ОГОҲИИ АГЕНТИИ ОБУҲАВОШИНОСӢ. Давоми чор рӯз дар Тоҷикистон ҳавои номусоид ва сел пешгӯӣ мешавад
ДУШАНБЕ, 16.05.2024 /АМИТ «Ховар»/. Аз 16 то 19 май дар Тоҷикистон ҳаво номусоид шуда, сар задани сел пешгӯӣ мешавад. Дар ин хусус ба АМИТ «Ховар» дар Агентии обуҳавошиносии мамлакат иттилоъ доданд.
Гуфта шуд, ки 16-17 май дар минтақаҳои ҷанубии қаторкӯҳҳои Ҳисор, баъзе минтақаҳои вилояти Хатлон (Хуросон, Балҷувон, Ховалинг, Муъминобод, Шамсиддини Шоҳин, минтақаи Даштиҷум) сар задани селҳои дорои хусусияти маҳаллӣ аз эҳтимол дур нест. Инчунин 18 май дар баъзе минтақаҳои ноҳияҳои тобеи ҷумҳурӣ: шаҳри Душанбе (маҳаллаҳои Лучоб, Хуҷамбиё, Чорбоғ, Фурудгоҳ, 9 км), шаҳру ноҳияҳои Норак, Роғун, Ваҳдат,- бахусус Симиганҷ, Ромит, Файзобод, Дарбанд, Рашт, Сангвор, Тоҷикобод, Лахш, Рӯдакӣ, Варзоб, Ҳисор, Турсунзода, Шаҳринав, минтақаи Қаратоғ, шаҳру ноҳияҳои вилояти Хатлон (Ёвон, Хуросон, А. Ҷомӣ, Восеъ, Данғара, Балҷувон, Ховалинг, Кӯлоб, Муъминобод, Шамсиддини Шоҳин, минтақаи Даштиҷум), шаҳру ноҳияҳои вилояти Суғд (Панҷакент, Айнӣ, Мастчоҳи Кӯҳӣ, Шаҳристон, Истаравшан, Деваштич) ва шаҳру ноҳияҳои ғарби Вилояти Мухтори Кӯҳистони Бадахшон (Дарвоз, Ванҷ, Рӯшон, Хоруғ) бо сабаби ба амал омадани бориши бошиддат сар задани сел пешгӯӣ мешавад.
19 май дар ин минтақаҳо хавфи сар задани сел боқӣ мемонад. Ҳамчунин 18 май дар бештари ноҳияҳои ҷумҳурӣ бориши бошиддат бо раъду барқ ва жола дар назар буда, дар аксари ноҳияҳои доманакӯҳӣ то 7-9 дараҷа паст шудани ҳарорати рӯзонаи ҳаво пешгӯӣ мешавад.
Агентии обуҳавошиносии мамлакат огоҳ месозад, ки 17-19 май дар дарёҳои Зарафшон, Обихингоб, Сурхоб, Ёхсӯ, Қизилсӯ (ҷанубӣ) ва дарёҳои аз нишебиҳои ҷанубии қаторкӯҳҳои Ҳисор ҷоришаванда (Варзоб, Лучоб, Харангон, Элок) баландшавии сатҳи об дар назар аст.
АКС аз манбаъҳои боз
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
