Роҳбарияти «Амонатбонк» дар чорабинии «Ташхис оид ба навовариҳои бонкӣ» дар Испания иштирок намуд

Май 15, 2024 18:15

ДУШАНБЕ, 15.05.2024 /АМИТ «Ховар»/. Раиси Раёсати «Бонки амонатгузории Ҷумҳурии Тоҷикистон «Амонатбонк»» Алиҷон Салимзода дар шаҳри Барселона дар чорабинии «Ташхис оид ба навовариҳои бонкӣ», имрӯз бо ташаббуси Институти ҷаҳонии бонкҳои амонатгузорӣ (WSBI) ва бо дастгирии «CaixaBank» (Бонки Кайша)-и Испания баргузор гардид, иштирок намуд. Дар ин хусус ба АМИТ «Ховар» дар «Бонки амонатгузории Ҷумҳурии Тоҷикистон «Амонатбонк»» хабар доданд.

Дар чорабинии мазкур дар баробари ҳайати «Амонатбонк» аз 21 давлат намояндагони беш аз 70 бонкҳои аъзои WSBI иштирок намуданд.

Дар ҳошияи чорабинӣ мулоқоти раиси Раёсати «Бонки амонатгузории Ҷумҳурии Тоҷикистон «Амонатбонк»» Алиҷон Салимзода бо директори WSBI Симонс Питер ва раиси Раёсати Бонки Кайшаи Шоҳигарии Испания Хосе Эгнасио баргузор гардид.

Зимни мулоқот ҷонибҳо аз натиҷаи баргузории чорабинӣ изҳори қаноатмандӣ намуда, иброз доштанд, ки омодаанд дар оянда таҷрибаи пешрафтаи Бонки Кайшаро дар самти рақамикунонии хизматрасонии бонкӣ дар фаъолияти дигар бонкҳои аъзои WSBI амалӣ намоянд.

Иттилоъ дода шуд, ки «Амонатбонк» ҳамчун ҳамчун Институти молиявии давлатӣ татбиқкунандаи як ҳиссаи сиёсати иҷтимоии Ҳукумати Ҷумҳурии Тоҷикистон буда, ҳамеша кӯшиш менамояд, ки дастуру супоришҳои Роҳбарияти Олии мамлакатро дар самти рушди маҳсулоти рақамӣ саривақт иҷро намояд.

АКС: «Бонки амонатгузории Ҷумҳурии Тоҷикистон «Амонатбонк»»

Май 15, 2024 18:15

Хабарҳои дигари ин бахш

Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд
Имсол дар ноҳияи Панҷи вилояти Хатлон ҳосили картошка фаровон аст
Директори идории ХБА Кристалина Георгиева: «Орзу дорам, ки ормони тоҷикон оид ба пурра ба кор даромадани НБО «Роғун» ҳарчӣ зудтар амалӣ гардад»
Парлумон Созишномаи қарзӣ байни Ҳукумати Тоҷикистон ва AIIB-ро барои сохтмони роҳи мошингарди «Обигарм-Нуробод» ба тасвиб расонд
Дар ноҳияи Ҷайҳун 4967 гектар пунбадона бо усули муосир кишт карда шуд
Дар шаҳри Конибодом Форуми таълимии соҳибкории G5 баргузор гардид
Директори идории Хазинаи байналмилалии асъор иқтисоди Тоҷикистонро хеле устувор ва ба самти дуруст рушдёбанда арзёбӣ намуд
Дар вилояти Суғд масъалаи истеҳсоли панелҳои офтобӣ баррасӣ шуд
ТАЪМИНИ ИСТИҚЛОЛИЯТИ ЭНЕРГЕТИКӢ. Маҷрои дарёи «Шоҳдара» ба сарбанди асосии Неругоҳи барқи обии «Себзор» равона карда шуд