Беш аз 13 ҳазор гектар заминҳои корам дар ноҳияҳои Восеъ ва Фархор ба воситаи пойгоҳҳои обкашӣ обёрӣ мешаванд
ВОСЕЪ,17.07.2024 /АМИТ «Ховар»/. Беш аз 13 ҳазор гектар заминҳои корам дар ноҳияҳои Восеъ ва Фархор ба воситаи пойгоҳҳои обкашӣ обёрӣ карда мешаванд, ки зиёда аз 7 ҳазори он ба ноҳияи Восеъ рост меояд. Давоми солҳои охир бо дастгирии Ҳукумати Ҷумҳурии Тоҷикистон пойгоҳҳои обкашӣ дар ин ноҳияҳо таъмиру таҷдид гардида, мушкилот дар самти обрасонӣ ба кишоварзон ҳалли хешро пайдо кардааст.
Сардори пойгоҳи обкашии Ҷануб-1-и ноҳияи Восеъ Холмурод Холмирзоев ба мухбири минтақавии АМИТ «Ховар» Сулаймон Холзода гуфт, ки дар доираи як лоиҳаи давлатӣ, пойгоҳи обкашии мазкур чун дигар пойгоҳҳои обкашии ноҳияи Восеъ, Фархор ва шаҳри Кӯлоб таъмиру таҷдид карда шуданд. Дар онҳо таҷҳизоту лавозимотӣ муосир ва агрегатҳои пуриқтидор васл гардиданд. Ҳоло пойгоҳи обкашии Ҷануб-1 бе мушкилӣ фаъолият дорад ва ҳамарӯза бо дархости ассотсиатсияҳои истифодабарандагони об хоҷагиҳои деҳқониро бо оби полезӣ таъмин менамоянд.
Дар ноҳияи Восеъ беш аз 7 ҳазор гектар заминҳои корам ба воситаи насосҳо обёрӣ карда мешавад ва таъмиру навсозии пойгоҳҳои обкашӣ мушкилоти деҳқононро дар дастрасӣ ба оби полезӣ осон хоҳад кард. Дар баробари ин, Идораи беҳдошти замин ва обёрии ноҳия аз рӯи нақша заҳбуру заҳкашҳоро тоза карда, иншооти обрасониро аз таъмир баровардааст. Обанбори селбур, ки ғунҷоиши беш аз 20 миллион кубаметр обро дорад, таъмир карда мешавад ва дар мавсими обрасонӣ хоҷагиҳои ду ҷамоатро бо об таъмин менамояд.
Бо фароҳам омадани шароит кишоварзони ноҳияи Восеъ мақсад доранд кишти такрориро аз нақшаи дурнамо зиёд намоянд ва истеҳсоли маҳсулоти кишоварзиро афзоиш диҳанд.
АКС :АМИТ «Ховар»
«САҲМИ ЗАНОН ДАР РУШДИ ИЛМ». Дар Душанбе конференсияи байналмилалии илмӣ-амалӣ баргузор шуд
Касбомӯзӣ метавонад яке аз роҳҳои муассири пешгирии гаравиши наврасону ҷавонон ба гурӯҳҳои ифротгаро бошад
Табибони тоҷик боз як усули нави ҷарроҳиро амалӣ намуданд
Маърузаи навбатии Ваколатдор оид ба ҳуқуқи инсон ба Президенти Тоҷикистон пешниҳод гардид
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
