ФУТБОЛ. Дарко Илиески ва Павел Назаренко ба ҳайати бозигарони дастаи «Истиқлол»-и шаҳри Душанбе пайвастанд
ДУШАНБЕ, 16.07.2024 /АМИТ «Ховар»/. Дастаи футболи «Истиқлол»-и шаҳри Душанбе баҳри пурзӯр кардани ҳайати даста бо ҳимоятгар аз Македонияи Шимолӣ — Дарко Илиески шартнома баст. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Шартномаи ҳамкорӣ байни футболбоз ва дастаи «Истиқлол»-и шаҳри Душанбе то охири мавсим ба имзо расид. Дарко Илиески 8 июл ба даста ҳамроҳ шуда, айни замон дар ҷамъомади таълимию тамринии бошгоҳ қарор дорад.
Ӯ ба ҳайси футболбози касбӣ дар дастаҳои футболи «Шкупи», «Копер», «Струга» ва «Пелистер» ҳунарнамоӣ кардааст. Ҳамагӣ дар 181 бозӣ вориди майдон гашта, дар ҳисоби худ 10 гол ва 5 партофти головар дорад.
Бояд гуфт, ки Дарко Илиески қаҳрамони Македонияи Шимолӣ дар ҳайати дастаи «Струга» дар мавсими 2022-2023 мебошад.
Инчунин дастаи футболи «Истиқлол»-и шаҳри Душанбе дар равзанаи трансферии тобистона боз як созишномаи дигарро ба имзо расонд. Павел Назаренко ба ҳайати дастаи футболи «Истиқлол» пайваст.
Пас аз бастани созишнома то охири мавсими-2024, ҳайати дастаи футболи «Истиқлол» бо ҳимоятгари беларус Павел Назаренко пурра гардид, ки аз тими «Гомел» ба дастаи футболи «Истиқлол» гузашт.
Хотиррасон мешавем, ки ин бозингари 29- сола дастпарвари клуби «Динамо»- и Минск ба шумор рафта, дар дар дастаҳои «Слутск» «Витебск» ва «Городея» баромад намудааст. Ӯ ҳамчунин дар чемпионати Қазокистон дар ҳайати дастаҳои «Жетису» ва «Акжаик» бозӣ кардааст. То ин дам бозингар дар 265 бозӣ вориди майдон гардида, дар ҳисоби худ 10 гол ва 13 партофти головар дорад.
АКС: Федератсияи футболи Тоҷикистон








Варзишгарони тоҷик дар Чемпионати Осиё оид ба гӯштини қазоқ кураш дар Қазоқистон соҳиби чор медал гардиданд
БОЗИҲОИ ОСИЁӢ. Шумораи медалҳои варзишгарони навраси тоҷик ба 19 адад расид
БОЗИҲОИ ОСИЁӢ. Шумораи медалҳои варзишгарони навраси тоҷик ба 15 адад расид
«Истиқлол» бар дастаи футболи «Равшан»-и шаҳри Кӯлоб дар бозии охири даври 20-уми Лигаи олии Тоҷикистон ғолиб омад
«Регар-ТадАЗ» дар марҳилаи гурӯҳии Лигаи даъвати КФО-2025/26 бо дастаи футболи Ал-Арабӣ»-и Кувайт бозӣ кард
БОЗИҲОИ ОСИЁӢ. Варзишгарони навраси тоҷик дар ин мусобиқа соҳиби 12 медал гардиданд
Варзишгарони собиқадори тоҷик дар Чемпионати ҷаҳон оид ба самбо соҳиби 10 медал гаштанд
Дастаи мунтахаби наврасони Тоҷикистон (U-17) бо дастаи Кореяи Ҷанубӣ бозии санҷишӣ анҷом дод
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард






