LESSON STUDY. Омӯзгорони Донишкадаи ҷумҳуриявии такмили ихтисос шакли махсуси таҳқиқоти дарси амалӣ меомӯзанд
ДУШАНБЕ, 07.08.2024. /АМИТ «Ховар»/. Марҳилаи якуми омӯзишӣ барои 1206 нафар омӯзгорони шаҳри Душанбе аз рӯйи барономи PISA ба анҷом расида, 7 август марҳилаи дуюми он оғоз мегардад. Ин омӯзишҳо муштаракан аз ҷониби 15 омӯзгори Қазоқистон ва 45 омӯзгори Донишкадаи ҷумҳуриявии такмили ихтисос ва бозомӯзии кормандони соҳаи маориф гузаронида мешавад. Дар ин хусус ба АМИТ «Ховар» дар Донишкадаи ҷумҳуриявии такмили ихтисос ва бозомӯзии кормандони соҳаи маориф хабар доданд.
Бо ин мақсад дар Донишкадаи ҷумҳуриявии такмили ихтисос ва бозомӯзии кормандони соҳаи маориф дар доираи ҳамкорӣ бо Маркази маҳорати педагогии Ҷумҳурии Қазоқистон машғулияти омӯзишии Lesson Study баргузор гардид, ки дар он омӯзгорони Донишкада иштирок намуданд.
Машғулияти омӯзишии Lesson Study барои кормандону омӯзгорони Донишкада марҳилаи сеюми ҳамкорӣ мебошад. Дар машғулият асосҳои ин усул, моҳият, тарзи истифода ва дигар паҳлуҳои он мавриди омӯзиш қарор гирифтанд. Яке аз унсурҳои ин усул чунин аст: сегонаи омӯзгорон якҷоя кор мекунанд, то як соҳаи мушаххаси рушдро дар омӯзиши хонандагон ҳадаф қарор диҳанд. Бо истифода аз далелҳои мавҷуда якчанд дарсҳоро якҷоя таҳқиқ мекунанд, ба нақша мегиранд, таълим медиҳанд ва мушоҳида мекунанд, бо истифода аз мубоҳиса ва мулоҳизаҳо.
Lesson Study- ин равиши педагогӣ, шакли махсуси таҳқиқоти синфӣ мебошад, ки ба омӯзгорон дар такмили дониши онҳо дар бораи амалияи таълим кумак мерасонад. Яъне, омӯзгорон дарси ҳамкасбонашонро мушоҳида ва чизҳои дидаашонро таҳлил мекунанд ва бо шарофати ин маҳорати омӯзгориро такмил медиҳанд ва дар дохили ҷомеаи касбӣ ҳамкорӣ менамоянд. Он яке аз усулҳои самарабахш буда, аз ҷониби давлатҳои пешрафтаи ҷаҳон, аз ҷумла Сингапур, Ҳонконг, Чин, ИМА, Британияи Кабир, Шветсия, Канада ва дигар давлатҳо пурра истифода мегардад.
Ёдовар мешавем, ки аз 24 то 26 сентябри соли 2024 дар шаҳри Остонаи Қазоқистон Конференсияи байналмилалии WALS 2024 баргузор мегардад, ки иштироки кормандони Донишкада дар ин конференсия дар назар аст. Дар он нишасти 18-уми байналмилалии Ассотсиатсияи ҷаҳонии омӯзиши дарсҳо баррасӣ мегардад. Ҳамоиш аз ҷониби «Маркази такмили ихтисоси «Мактабҳои зеҳнии Назарбоев» ташкил карда мешавад, ки яке аз самтҳои он ба мавзуи «Дарсшиносӣ: саъй ба омӯзиши беҳтар ва таълим» нигаронида шудааст.
АКС: Донишкадаи ҷумҳуриявии такмили ихтисос ва бозомӯзии кормандони соҳаи маориф
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
