НИШАСТИ МАТБУОТӢ. Ба Тоҷикистон 1,95 миллиард доллари амрикоӣ сармояи хориҷӣ ворид гардидааст
ДУШАНБЕ, 06.08.2024 /АМИТ «Ховар»/. Кумитаи давлатии сармоягузорӣ ва идораи амволи давлатии Ҷумҳурии Тоҷикистон аз афзоиши воридоти сармояи хориҷӣ ба мамлакат дар соли 2024 иттилоъ медиҳад. Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода 6 август дар нишасти матбуотӣ ба хабарнигорон иттилоъ дод, ки то моҳи июли имсол ба мамлакат дар ҳаҷми 1,95 миллиард доллари амрикоӣ сармояи хориҷӣ ворид гардидааст, ки нисбат ба ҳамин давраи соли 2023 45,9 фоиз зиёд мебошад. Воридоти сармояи мустақими хориҷӣ дар ин давра 153,9 миллион доллари амрикоиро ташкил дода, ба 112,6 фоиз баробар шудааст.
Дар ин давра барои ҷалби сармояи мустақими хориҷӣ кор бурда шуда, 3 созишномаи нави сармоягузорӣ ба маблағи умумии 2 миллиарду 16 миллион доллари амрикоӣ барои бунёди корхонаҳои истеҳсолӣ ба имзо расонида шуд. Инчунин барои ба имзо расонидани боз 6 созишномаи сармоягузорӣ ба маблағи умумии 345 миллион доллари амрикоӣ корбарӣ идома дорад.
Бо мақсади заминагузорӣ ва густариши ҳамкории сармоягузорӣ имсол созишномаҳои байниҳукуматӣ оид ба ҳавасмандгардонӣ ва ҳифзи мутақобилаи сармоягузорӣ бо Ҷумҳурии Туркия ва Ҷумҳурии Мардумии Чин ба имзо расонида шуданд.
Ҳамзамон бо мақсади муаррифии имконияти сармоягузории Тоҷикистон бо давлатҳои Қатар, Италия, Узбекистон, Туркия, Озарбойҷон, Чин, Амрико ва Арабистони Саудӣ форуму ҳамоишҳо баргузор шуданд.
Марзия САИДЗОДА,
АМИТ «Ховар»
АКС: АМИТ «Ховар»
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
