Эмомалӣ Раҳмон: «Давоми солҳои соҳибистиқлолӣ дар ноҳияи Сангвор 68 иншооти соҳаи маориф сохта шудааст»
ДУШАНБЕ, 11.09.2024. /АМИТ «Ховар»/. Давоми солҳои соҳибистиқлолӣ дар ноҳияи Сангвор 68 иншооти соҳаи маориф, аз ҷумла 3 муассисаи томактабӣ, 21 маркази инкишофи кӯдак, 44 бинои нави мактаб ва биноҳои иловагӣ сохта, ба истифода дода шудаанд. Чунин иброз доштанд имрӯз Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар мулоқот бо роҳбарону фаъолони ноҳияи Сангвор.
Ба таъкиди Сарвари давлат, дар даврони соҳибистиқлолӣ ҳаҷми маблағгузорӣ ба соҳаи маорифи ноҳияи Сангвор аз ҷониби Ҳукумати мамлакат мунтазам зиёд карда шуда, бо истифода аз маблағҳои ҷудогардида бунёди муассисаҳои таълимии ба талаботи замона ҷавобгӯ, бо таҷҳизоти замонавӣ таъмин намудани онҳо, боло бурдани сатҳу сифати таълиму тарбия ва омода кардани кадрҳои баландихтисос амалӣ карда шудааст.
«Дар натиҷа шумораи муассисаҳои таҳсилоти умумӣ дар ноҳия нисбат ба солҳои аввали соҳибистиқлолӣ 52 фоиз зиёд гардид. Ҳоло дар ноҳия бо маблағгузории Ҳукумати мамлакат сохтмони бинои иловагӣ дар ҳудуди Муассисаи таҳсилоти миёнаи умумии рақами 1 идома дорад», — изҳор доштанд Пешвои миллат муҳтарам Эмомалӣ Раҳмон.
Инчунин Президенти мамлакат аз норасоии омӯзгорони ихтисосманди фанҳои дақиқ ва забонҳои хориҷӣ, камбудии китобҳои дарсӣ, нокифоя будани кабинетҳои фаннӣ, озмоишгоҳҳои таълимӣ ва таъмирталаб будани якчанд муассисаи таълимӣ изҳори нигаронӣ намуда, барои бартараф кардани онҳо дастурҳои мушаххас доданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
5 октябр дар шаҳри Душанбе бахшида ба Рӯзи омӯзгорон ҳамоиши тантанавӣ баргузор мегардад
Дар Донишгоҳи технологӣ вобаста ба омӯзиши забонҳои хориҷӣ дар партави паёмҳои Президенти Тоҷикистон ҷаласаи васеи омӯзгорон доир шуд
Муовини Сарвазири Тоҷикистон дар ноҳияи Шаҳринав бо тадбирҳои бунёдкорӣ бахшида ба 35-солагии Истиқлоли давлатӣ шинос гардид
Дар Коллеҷи муҳандисию омӯзгории шаҳри Душанбе Рӯзи забони давлатӣ ва Рӯзи омӯзгорон таҷлил гардид
Ҳайати Тоҷикистон дар Конференсияи вазирони маорифи давлатҳои аъзои Созмони ҷаҳонии исломӣ иштирок намуд
МАҚОМИ МУАЛЛИМ. Дар Ҳисор Рӯзи омӯзгорон таҷлил гардид
Рӯзи Истиқлоли давлатии Ҷумҳурии Тоҷикистон дар Миср таҷлил карда шуд
Роҳҳои ҷамоатҳои деҳоти «Алмосӣ», Мирзо Ризо ва Мирзо Турсунзодаи шаҳри Ҳисор таъмир ва мумфарш мегарданд
Бахшида ба Рӯзи омӯзгор 172 нафар собиқадорону кормандони маорифи ноҳияи Фирдавсӣ қадрдонӣ шуданд
«ЗАБОН ДОНӢ-ҶАҲОН ДОНӢ». Ғолибони озмуни ҷумҳуриявӣ дар Донишгоҳи байналмилалии забонҳои хориҷии Тоҷикистон муайян шуданд
«ИЛМ-ФУРӮҒИ МАЪРИФАТ». Донишҷӯёни Донишгоҳи техникии Тоҷикистон дар даври сеюми озмун соҳиби ҷойҳои намоён шуданд
БА ШАРАФИ РӮЗИ ОМӮЗГОР. Дар ноҳияи Шоҳмансури пойтахт муаллимони фаъолу навовар қадрдонӣ шуданд
