Ҷавонони ноҳияи Рӯдакӣ барои иҷрои рисолати ҷавонмардӣ ба ҳифзи Ватан гусел карда шуданд
РӮДАКӢ, 02.10.2024 /АМИТ «Ховар»/. Дар асоси фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбӣ, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 Ҷумҳурии Тоҷикистон ба хизмати ҳарбӣ» 1 октябр дар ноҳияи Рӯдакӣ роҳпаймоӣ ва маросими тантанавии гусели наваскарон ба сафи Артиши миллӣ баргузор гардид. Дар рӯзи якуми даъвати ҳарбӣ 511 ҷавон аз комиссияи тиббии ҳарбӣ гузашта, барои анҷом додани қарзи шаҳрвандӣ ва иҷрои рисолати ҷавонмардӣ ба ҳифзи Ватан гусел карда шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Дар ҷамъомади тантанавӣ иброз гардид, ки хизмат ба Ватан ва ҳимояи марзу буми сарзамини аҷдодӣ шараф ва номуси ҷавонмардӣ буда, вазифаю рисолати шаҳрвандӣ ва имонию виҷдонии ҳар фарди соҳибватан мебошад. Хислатҳои мардонагӣ, шуҷоат, далерӣ, ҳушёрӣ, тоқатпазирӣ ва обутоби ҷисмонию руҳӣ маҳз дар давраи хизмат дар сафи Артиши миллӣ ташаккул ёфта, камолоти физиологӣ ва психологии ҷавононро таъмин мекунанд. Таҷрибаи зиндагӣ собит намудааст, ки ҳар касе, ки дар сафи Артиш сарбаландона хизмат мекунад, ҳеҷ вақт дар ҳаёт дучори шикаст намешавад. Ба ибораи дигар, хизмат ба Ватан ҷавонро қавирода ва марди комил мегардонад ва ӯро ба тамоми пастию баландии ҳаёт тоқатпазир месозад.
Бо ташабуси Мақомоти иҷроияи ҳокимияти давлатии ноҳияи Рӯдакӣ, ба оилаҳое, ки 3,4,5 ва 6 фарзандашон дар сафи Қувваҳои Мусаллаҳи мамлакат хизмати ҳарбиро адо кардаанд, мукофоти молӣ тақдим карда мешавад. Ин нишони дастгириҳои рӯзафзуни Ҳукумати Тоҷикистон нисбат ба чунин оилаҳои шарафманд аст.
Зимни ҳамоиш ба наваскарон ҳуҷҷати ронандагӣ ва Сипосномаи Мақомоти иҷроияи ҳокимияти давлатии ноҳияи Рӯдакӣ тақдим карда шуд.
АКС: Мақомоти иҷроияи ҳокимияти давлатии ноҳияи Рӯдакӣ
Дар вилояти Хатлон санҷиши омодагии ҳайати захираҳои сафарбарӣ доир гардид
Раёсати Вазорати корҳои дохилӣ дар шаҳри Душанбе гурӯҳи муташаккили ҷиноятиро дастгир намуд
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
