Дар Беларус Рӯзи синамои Тоҷикистон баргузор гардид
ДУШАНБЕ, 09.11.2024 /АМИТ «Ховар»/. 7 ноябр дар кинотеатри «Победа»-и Ҷумҳурии Беларус, дар доираи Синамоҷоизаи 30-юми байналмилалии «Лістапад» Рӯзи синамои Тоҷикистон бо намоиши филми коргардони ҷавони тоҷик Муҳиддин Музаффар бо номи «ДОВ» баргузор гардид. Дар ин хусус АМИТ «Ховар» бо истинод ба Сафорати Тоҷикистон дар Минск хабар медиҳад.
Дар чорабинӣ ходимони илму фарҳанг, рӯзноманигорон, инчунин ҳамватанону донишҷӯёни тоҷики муқими Беларус иштирок намуданд.
Директори Муассисаи давлатии «Тоҷикфилм» Маҳмадсаид Шоҳиён иброз дошт, ки филми «ДОВ» бо вуҷуди навэҷод будан аллакай дар ҷашнвораҳои байналмилалӣ иштирок намуда, сазовори ҷоизаҳои сершумор гаштааст. Ӯ ҳамчунин иброз дошт, ки баргузории Рӯзи синамои Тоҷикистон дар фазои дӯстӣ ва ҳамдигарфаҳмӣ барои таҳкими ҳамкории минбаъдаи синамогарони ду давлат заминаи мусоид фароҳам меорад.
Директори генералии киностудияи миллии «Беларусфилм» Юрий Алексей гуфт, ки тақрибан як моҳ пеш дар Тоҷикистон Рӯзҳои синамои Беларус дар сатҳи баланд ва бо дастгирии ҳамаҷонибаи ҷониби Тоҷикистон доир гардид. Ӯ изҳори хушнудӣ намуд, ки имрӯз дар Минск Рӯзи синамои Тоҷикистон доир мегардад ва ин табодули фарҳангӣ барои рушди ҳамкории минбаъдаи синамогарони ду мамлакат аҳамияти бузург дорад.
Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода оид ба пешрафту дастовардҳо ва дурнамои ҳамкории фарҳангию гуманитарии Тоҷикистон ва Беларус, ки бо туфайли сиёсати хирадмандонаи Президентони ду давлат — муҳтарам Эмомалӣ Раҳмон ва муҳтарам Александр Лукашенко торафт равнақ ва мазмуну мундариҷаи нав касб менамояд, сухан гуфт.
Бояд таъкид намуд, ки қабл аз оғози намоиши филм маросими баимзорасонии Ёддошти тафоҳум оид ба ҳамкорӣ байни Муассисаи давлатии «Тоҷикфилм» ва «Киновидеопрокат»-и Минск баргузор гардид, ки он ба лоиҳаҳои муштараки оянда дар соҳаи синамо заминаи устувор мегузорад.
Дар бораи филми «ДОВ»
Филми «ДОВ» — драмаи коргардони умедбахши тоҷик Муҳиддин Музаффар мебошад, ки аллакай дар арсаи байналмилалии синамо эътирофи зиёд пайдо карда, дар ҷашнвораҳои бонуфуз ҷоизаҳо ба даст овардааст. Филм масъалаҳои амиқи иҷтимоӣ ва фалсафиро баррасӣ карда, ба тамошобин тавассути нигоҳи хос ба воқеияти имрӯза бо истифода аз анъанаҳои фарҳангӣ ва миллии Тоҷикистон таҷрибаи нодирро пешкаш мекунад.
АКС: Сафорати Ҷумҳурии Тоҷикистон дар Ҷумҳурии Беларус
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
Дар Тоҷикистон Рӯзҳои фарҳанги Ҷумҳурии Мардумии Чин доир мегарданд
