Маркази захиравӣ оид ба манбаъҳои барқароршавандаи энергия ифтитоҳ шуд
ДУШАНБЕ, 02.12.2024 /АМИТ «Ховар»/. Дар Донишгоҳи техникии Тоҷикистон ба номи академик Муҳаммад Осимӣ бо мақсади татбиқи Стратегияи рушди иқтисоди «сабз» барои солҳои 2023-2037 Маркази захиравӣ оид ба манбаъҳои барқароршавандаи энергия мавриди истифода қарор дода шуд, хабар доданд ба АМИТ «Ховар» дар ин донишгоҳ.
Мақсади ин марказ ба рушди касбияти мутахассисони маҳаллӣ ва омода намудани мутахассисони баландихтисоси ҷавобгӯ ба бозори меҳнат ва амалисозии тадбирҳо барои то соли 2032 амалӣ намудани истеҳсоли барқ дар ҷумҳурӣ пурра аз ҳисоби манбаъҳои барқароршаванда, яъне 100 фоиз таъмин намудан бо энергияи «сабз» равона шудааст.
Маркази захиравӣ оид ба манбаъҳои барқароршавандаи энергия бо маводи навини таълимӣ ва таҷҳизоти зарурӣ аз ҷониби Сафорати Ҷумҳурии Федералии Олмон дар Душанбе таъмин шуда, самти асосии кори он аз таъмини барномаҳои таълимӣ барои занон ва ҷавонон, такмили ихтисос ва дигар чорабиниҳои илмӣ дар соҳаи энергетика иборат мебошад.
Машваратҳо ва тренингҳои амалӣ тавассути марказ иштирокчиёнро аз тамоми ҷумҳурӣ фаро гирифта, ба таъмини малака ва донишҳои зарурӣ барои ҷавобгӯ будан ба талаботи бахши энергетика ва рушди кадрҳо дар соҳаи энергияи барқароршаванда нигаронида шудаанд.
Яке аз роҳҳои ҳалли муваффақонаи мушкилоти марбут ба тағйирёбии иқлим рушди иқтисоди «сабз» мебошад, ки зарурати рушди энергияи «сабз»-ро ба миён меорад. Маркази энергияҳои барқароршаванда таҷассумгари ҳадафи Донишгоҳи техникии Тоҷикистон барои рушди таҳсилоти босифат ва ҳамзамон мутобиқати он ба ҳадафҳои рушди устувор мебошад.
АКС: Донишгоҳи техникии Тоҷикистон ба номи академик Муҳаммад Осимӣ
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
