Агентии назорати давлатии молиявӣ ва мубориза бо коррупсия дар татбиқи сиёсати зиддикоррупсионӣ саҳми назаррас дорад
ДУШАНБЕ, 11.01.2025 /АМИТ «Ховар»/. 10 январ дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки ҳайати васеи кормандон бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор гардид. Дар ин хусус ба АМИТ «Ховар» аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Директори Агентӣ Сулаймон Султонзода иброз дошт, ки 18 сол аст ин мақомот дар татбиқи сиёсати зиддикоррупсионии Ҷумҳурии Тоҷикистон ҳамчун субъекти асосии бо ин зуҳуроти номатлуб муборизабаранда барои пешгирӣ ва ошкору бартараф намудани ҳуқуқвайронкуниҳои коррупсионӣ, сабабу шароити барои содир намудани онҳо мусоидаткунанда ва ғанӣ гардонидани буҷети давлатӣ фаъолияти пурсамар анҷом медиҳад.
Иброз гардид, ки таърихи таъсис ва ташаккули Агентӣ нишон медиҳад, ки барои фаъолияти самараноки ин мақомот, мустаҳкам намудани пояҳои ташкилию ҳуқуқӣ ва таъминоти моддии он аз ҷониби Ҳукумати мамлакат, хусусан Президенти Ҷумҳурии Тоҷикистон муҳтарам Эмомалӣ Раҳмон пайваста ғамхориҳои зиёд зоҳир карда мешаванд.
«Кормандони Агентӣ бо шукргузорӣ аз сулҳу субот ва ваҳдати миллӣ барои амалишавии сиёсати дурандешона ва оқилонаи Пешвои миллат муҳтарам Эмомалӣ Раҳмон дар татбиқи сиёсати зиддикоррупсионии мамлакат, ғанӣ гардонидани қисми даромади буҷети давлатӣ ва пешгирии кирдорҳои коррупсионӣ саҳми назаррас гузошта, дар ин ҷода ба натиҷа ва дастовардҳои назаррас ноил гардидаанд», — гуфта шуд дар ҷамъомад.
Дар идома мутахассисони ҷавоне, ки ба хизмат дар мақомоти Агентӣ қабул шудаанд, барои адои хизмати содиқона ба халқу Ватан савганд ёд намуданд.
Дар фарҷом барномаи фарҳангӣ пешниҳоди иштирокдорон карда шуд.
Ёдовар мешавем, ки дар воҳидҳои маҳаллию минтақавии Агентӣ низ ба муносибати Рӯзи кормандони мақомоти назорати давлатии молиявӣ ва мубориза бо коррупсия чорабиниҳо баргузор карда шуданд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
