Дар Донишгоҳи давлатии Хуҷанд вобаста ба рушди иқтисодиёти рақамӣ ва саноатикунонии Тоҷикистон ҳамоиш баргузор шуд
ДУШАНБЕ, 19.01.2025 /АМИТ «Ховар»/. 16 январ дар Донишгоҳи давлатии Хуҷанд ба номи академик Бобоҷон Ғафуров дар ҳошияи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» таҳти унвони «Рушди иқтисодиёти рақамӣ ва саноатикунонии Ҷумҳурии Тоҷикистон» ҳамоиш баргузор шуд.
Тавре АМИТ «Ховар» бо истинод ба ин донишгоҳ хабар медиҳад, ҳамоиш ҳузурӣ ва ҳам маҷозӣ баргузор шуда, ба он олимону муҳаққиқон аз пойхтахти ҷумҳурӣ пайвастанд.
Директори Институти иқтисодиёт ва демографияи Академияи миллии илмҳои Тоҷикистон Шариф Раҳимзода дар мавриди муҳтавои Паёми Президенти Тоҷикистон ба Маҷлиси Олӣ ва татбиқи самараноки он вобаста ба таъмини рушди иқтисодиёти рақамӣ ибрози назар намуд.
Таъкид шуд, ки иқтисодиёти рақамӣ дар саросари ҷаҳон ба як тамоюли асосии рушд табдил ёфтааст, ки ҳадафи он истифодаи технологияи иттилоотӣ барои баланд бардоштани самаранокии иқтисодӣ ва ҳалли мушкилоти иҷтимоӣ мебошад. Сарвари давлат муҳтарам Эмомалӣ Раҳмон таъкид доштанд, ки Тоҷикистон дар ҷодаи гузариш ба рақамикунонии соҳаҳои иқтисоди миллӣ барои таъмин намудани шаффофияти муносибатҳои иқтисодиву молиявӣ қадамҳои устувор гузошта истодааст.
Дар ҳамоиш дар мавзуъҳои «Иқтисоди рақамӣ ва рушди ҷомеаи иттилоотӣ», «Амалигардонии саноатикунонии босуръат дар Ҷумҳурии Тоҷикистон ва «Заминаҳои ташаккул ва рушди иқтисоди рақамӣ дар Ҷумҳурии Тоҷикистон» маърӯзаҳо пешниҳод гардиданд.
Гуфта шуд, ки дар ҷаҳони муосир иқтисоди рақамӣ ба яке аз унсурҳои муҳими пешрафти иқтисодӣ ва иҷтимоӣ табдил ёфтааст. Истифодаи технологияҳои иттилоотӣ ва коммуникатсионӣ имконият медиҳад, ки равандҳои истеҳсолӣ, хизматрасонӣ ва фаъолияти иҷтимоӣ самаранок гарданд. Ҷомеаи иттилоотӣ, ки бо истифодаи фаъоли технологияҳои рақамӣ хос аст, дар таъмини шаффофият, омӯзиши донишҳои нав ва густариши инноватсия нақши калидӣ мебозад.
АКС: Донишгоҳи давлатии Хуҷанд ба номи академик Бобоҷон Ғафуров
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
