ҲАРАКАТИ ҶУМҲУРИЯВИИ НИҲОЛШИНОНӢ. Дар ноҳияи Бобоҷон Ғафуров токзори нав бунёд мешавад
ДУШАНБЕ, 13.01.2025 /АМИТ «Ховар»/. Дар минтақаи Сомғори ноҳияи Бобоҷон Ғафурови вилояти Суғд боғи токи хавозавӣ бунёд карда мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Роҳбарияти вилояти Суғд бо ҷараёни бунёди боғи токи хавозавӣ шинос шуд. Зимни суҳбат бо деҳқонон иброз гардид, ки аз ҷониби Ҳукумати Ҷумҳурии Тоҷикистон ба рушди соҳаи кишоварзӣ таваҷҷуҳи зарурӣ зоҳир мегардад. Саҳми кишоварзон, аз ҷумла боғу токпарварон дар таъмини амнияти озуқаворӣ назаррас аст.
Дар ноҳияи Бобоҷон Ғафуров 10 ҳазору 300 гектар боғу токзор мавҷуд мебошад, ки аз он 3 ҳазор гектарашро ангурзор ташкил медиҳад. Соли 2024 хоҷагидорони ноҳия зиёда аз 13 ҳазор тонна ангур истеҳсол ва пешниҳоди сокинон намуданд.
Тазаккур дода шуд, ки таҷдид ва бунёди токи хавозавӣ дар шаҳру ноҳияҳои вилояти Суғд аз ҷумлаи иқдоми шоиста буда, дар ин раванд дар минтақаи Сомғор бунёду барқарорсозии 40 гектар токзор ба нақша гирифта шудааст.
Соҳибкори маҳаллӣ Шавкат Расулзода низ тасмим гирифтааст, ки дар 8,5 гектар мавзеи ин минтақа токзори хавозавӣ бунёд созад. Зеро тибқи маълумоти мутахассисони соҳа, бо усули хавозавӣ бунёд намудани токзор имкон медиҳад, ки ҳосилнокӣ чанд маротиба бештар гардад.
АКС: Хадамоти матбуоти Раиси вилояти Суғд
ДАРАХТ БИНШОН! Дар ноҳияи Ёвон беш аз 400 бех ниҳоли арча шинонида шуд
ДАРАХТ БИНШОН! Дар минтақаи Рашт беш аз 5 000 ниҳоли дарахтони ҳамешасабз ва ороишӣ шинонида шуд
Муовини Сарвазири Тоҷикистон бо ҳолати сабзиши дарахтон дар боғу токзори шаҳри Ҳисор шинос гардид
Дар маҳаллаҳои Бӯстон ва Шукуҳии пойтахт 2500 бех ниҳолҳои ҳамешасабз ва мевадиҳанда шинонида шуданд
«ТОҶИКИСТОНРО БА КИШВАРИ САБЗ ТАБДИЛ МЕДИҲЕМ!» Дар Лучоб 7 ҳазор бех ниҳоли дарахтони ҳамешасабзу ороишӣ шинонида шуд
ДАРАХТ БИНШОН! Дар Турсунзода 120 дарахти ороишии Фатония шинонида шуд
«КИШВАРИ САБЗ». Дар шаҳри Исфара 1200 бех ниҳол шинонида шуд
ДАРАХТ БИНШОН! Дар шоҳроҳи байналмилалии Хуҷанд-Чанок 500 бех ниҳоли санавбар шинонида шуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
«КИШВАРИ САБЗ». Дар шафати роҳи мошингарди Конибодом –Хуҷанд 2700 бех ниҳол шинонида мешавад
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
