НИШАСТИ МАТБУОТӢ. Соли 2024 дар асоси Барномаи рушди кино 17 филм наворбардорӣ гардид
ДУШАНБЕ, 04.02.2025 /АМИТ «Ховар»/. Соли 2024 аз ҷониби Муассисаи давлатии «Тоҷикфилм» дар асоси «Барномаи рушди кинои Ҷумҳурии Тоҷикистон барои солҳои 2023-2027» ва нақшаи амали он барои солҳои 2023-2025 4 филми ҳунарии пурра, 10 филми мустанад, 2 филми кӯтоҳ ва 1 филми тасвирӣ наворбардорӣ гардиданд. Дар ин хусус имрӯз, 4 феврал зимни нишасти матбуотӣ директори Муассисаи давлатии «Тоҷикфилм» Маҳмадсаид Шоҳиён ба намояндагони воситаҳои ахбори омма иттилоъ дод.
Иброз гардид, ки дар ин давра ба Шурои бадеии муассиса 77 филмнома пешниҳод шуд.
-«Филмҳои ҳунарии пурраи «Ҳақиқат», «Зиндагӣ зебост», «Танҳо ту» «Виҷдон», филмҳои ҳунарии кӯтоҳи «Туман», «Дар баландии теппа», филмҳои мустанади «Осори фаронсавӣ», «Ҷашни Сада», «Баҳори Душанбе» «Қасри тақдирсоз», «Чакомаи чакан», «Шириншоҳ Шоҳтемур», «Достони кӯҳзод», «Тағйирёбии иқлим», «Тоҷи Сомон-ифтихори тоҷикон» ва «Марко Поло», филмҳои тасвирии «Бабри барфӣ» аз ҷумлаи филмҳое мебошанд, ки соли 2024 таҳия гардидаанд,- гуфт Маҳмадсаид Шоҳиён.
Ҳамчунин 3 филми ҳунарии муштарак наворбардорӣ гардид, ки инҳо «ВАО-и нави Русия», (Муассисаи давлатии «Тоҷикфилм» бо Ҷамъияти дорои масъулияти маҳдуди «Триикс Медиа»), «Моҳӣ дар шаст» (Тоҷикистон- Эрон- Русия), «Харгӯши сиёҳ-харгӯши сафед» (Муассисаи давлатии «Тоҷикфилм» ва ширкати синамоии «Корномаи Дубай») мебошанд.
Муассисаи давлатии «Тоҷикфилм» барои табодули таҷриба ва робитаю ҳамкории судманд бо синамогурӯҳи «Ғарб»-и Ҷумҳурии Мардумии Чин, Ҷамъияти дорои масъулияти маҳдуди «Сарез сармоя» ва ширкати синамоии «Корномаи Дубай» қарордоди ҳамкорӣ ба имзо расонид.
Инчунин Ёддошти тафоҳум оид ба ҳамкорӣ дар соҳаи синамо байни Муассисаи давлатии «Тоҷикфилм» ва «Киностудияи миллии «Беларусфилм», Ёддошти тафоҳум оид ба таҳияи филми муштарак байни Муассисаи давлатии «Тоҷикфилм» ва Агентии кинои Ҷумҳурии Озарбойҷон, Ёддошти тафоҳум оид ба ҳамкорӣ байни Муассисаи давлатии «Тоҷикфилм» ва Иттиҳодияи «Туркманфилм» ба номи Оғузхони Кумитаи давлатии телевизион, радио ва кинематографияи Туркманистон ба имзо расид.
Дар маҷмуъ, «Тоҷикфилм» бо 15 давлат ва 40 ширкати филмбардорӣ ҳамкорӣ менамояд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
