Дар Тоҷикистон азнавбақайдгирии ёдгориҳои мероси таърихию фарҳангӣ оғоз шуд
ДУШАНБЕ, 03.02.2025 /АМИТ «Ховар»/. Дар Тоҷикистон азнавбақайдгирии ёдгориҳои мероси таърихию фарҳангӣ оғоз гардид. Дар ин хусус ба АМИТ «Ховар» аз Агентии ҳифзи мероси таърихию фарҳангии назди Ҳукумати Ҷумҳурии Тоҷикистон хабар доданд.
Амалӣ намудани сиёсати ягонаи давлатӣ дар соҳаи бақайдгирӣ, феҳристнигорӣ, ҳифз, тармим ва истифодаи ёдгориҳои таърихию фарҳангӣ, муаррифии шахсиятҳои барҷастаи миллат ва санаҳои бузурги таърихӣ, осорхонашиносӣ, бостоншиносӣ, берун баровардан ва дохил кардани сарватҳои мероси таърихию фарҳангӣ, эъмори ҳайкалу муҷассама ва лавҳаҳои ёдбуд, аз ҷумла дар мамнуъгоҳҳои таърихию фарҳангӣ, иттиҳодияҳои илмию истеҳсолии соҳавӣ, ташкилоти тармиму барқарорсозӣ, осорхонаҳо, пойгоҳҳои илмию бостоншиносӣ, муҷтамаъҳо, марказҳои мероси хаттӣ ва бостонӣ, марказҳои табиию таърихӣ, хона-осорхонаҳо ва ташкилоти мансуб ба таъриху фарҳанги миллӣ ва миллатҳои дигари муқим ба салоҳияти Агентии ҳифзи мероси таърихию фарҳангӣ вогузор шудааст.
Феҳристи давлатии объектҳои мероси таърихию фарҳангии Ҷумҳурии Тоҷикистон охирин маротиба бо Қарори Ҳукумати Ҷумҳурии Тоҷикистон 31 июли соли 2018 «Дар бораи Тартиби пешбурди Феҳристи давлатии объектҳои мероси таърихию фарҳангии Ҷумҳурии Тоҷикистон» ба тасвиб расидааст.
Тибқи талаботи қонун, Феҳристи давлатии объектҳои мероси таърихию фарҳангии Ҷумҳурии Тоҷикистон ҳар 5 сол як маротиба аз нав ба қайд гирифта мешавад.
Бо ин мақсад Агентии ҳифзи мероси таърихию фарҳангии назди Ҳукумати Ҷумҳурии Тоҷикистон дар доираи салоҳият азнавбақайдгирӣ ва феҳристнигории ёдгориҳои таърихӣ, меъморӣ, монументалӣ ва табиии Ҷумҳурии Тоҷикистонро бо назардошти меъёрҳо ва стандартҳои ҷаҳонӣ аз 31 январи соли 2025 бо ҳамоҳангии Мақомоти иҷроияи ҳокимияти давлатии шаҳри Душанбе оғоз намуд.
АКС: Агентии ҳифзи мероси таърихию фарҳангии назди Ҳукумати Ҷумҳурии Тоҷикистон
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
