Намояндагони соҳаи сайёҳии Тоҷикистон бо иқтидор ва мавзеъҳои сайёҳии шаҳри Исфаҳони Эрон шинос шуданд
ДУШАНБЕ, 14.02.2025 /АМИТ «Ховар»/. Имрӯз дар доираи Намоишгоҳи 18-уми байналмилалии сайёҳӣ ва саноатии Теҳрон (Tehran International tourism and Related Industries Exhibition) намояндагони соҳаи сайёҳии Ҷумҳурии Тоҷикистон бо иқтидор ва мавзеъҳои сайёҳии шаҳри Исфаҳони Ҷумҳурии Исломии Эрон шинос шуданд, хабар медиҳад АМИТ «Ховар» бо истинод ба шуъбаи рушди сайёҳии Мақомоти иҷроияи ҳокимияти давлатии шаҳри Душанбе.
Аз ҷумла дар шаҳри Исфаҳон намояндагони соҳаи сайёҳии Тоҷикистон бо фаъолияти растаҳои сайёҳӣ ва ҳунарҳои дастӣ шинос шуда, бо намояндагони ширкатҳои сайёҳии маҳаллӣ вохӯриҳо анҷом доданд.
Зимни вохӯриҳо ҷонибҳо оид ба масъалаҳои тақвият бахшидани ҳамкорӣ, мубодилаи таҷриба дар соҳаи сайёҳӣ ва боздид намудан аз имкониятҳои сайёҳии ҳамдигар мубодилаи афкор намуданд.
Ҳамчунин дар доираи вохӯриҳо ширкати сайёҳии «King Tour»-и Тоҷикистон ва ширкати сайёҳии «Shokouh Iranian»-и Эрон ба мувофиқа расиданд, ки дар рӯзҳои таҷлили Ҷашни байналмилалии Наврӯз бо мақсади ҷалби бештари сайёҳон ба давлатҳои ҳамдигар бастаҳои сайёҳӣ таҳия ва пешниҳод намоянд.
Иттилоъ дода шуд, ки Исфаҳон бо таърихи бой, фарҳанги қадима, меъмории нотакрор ва мероси фарҳангиаш байни шаҳрҳои Эрон машҳур аст. Иқтидори сайёҳии он бузург буда, ҳамасола сайёҳони зиёдеро ҷалб мекунад.
Намояндагони соҳаи сайёҳии Тоҷикистон бо иқтидори сайёҳии шаҳри Шероз низ, ки бо шаҳри Душанбе бародаршаҳр мебошад, шинос мешаванд.
Ёдовар мешавем, ки аз 11 то 14 феврал ҳайати Ҷумҳурии Тоҷикистон дар Намоишгоҳи 18-уми байналмилалии сайёҳӣ ва саноатии Теҳрон иштирок намуд.
Дар намоишгоҳ гӯшаи Тоҷикистон ташкил гардида, дар он имконоти сайёҳии мамлакат муаррифӣ карда шуд.
Дар ҳошияи чорабинӣ вохӯриҳо байни ширкатҳои сайёҳии Тоҷикистон ва Эрон дар шакли соҳибкор бо соҳибкор доир шуда, зимни онҳо масоили ифтитоҳи хатсайрҳои нави сайёҳӣ ва ҷалби бештари сайёҳон баррасӣ гардид.
Ҳамзамон 11 феврал Президенти Ҷумҳурии Исломии Эрон Масъуд Пизишкиён дар доираи Намоишгоҳи 18-уми байналмилалии сайёҳӣ ва саноатии Теҳрон гӯшаи сайёҳии Тоҷикистонро тамошо намуд.
АКС: шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор гардид
Пагоҳ Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
САЙЁҲИИ ТАБОБАТӢ. Чашмаи «Авҷ»-и Бадахшон бо оби минералии шифобахш барои рушди ин соҳаи сайёҳӣ имкон дорад
ДАРАИ ШИРКЕНТ. Ҷозибаи нодири табиии ин минтақа изҳои панҷаи динозаврҳо ба шумор меравад
Байни Донишгоҳи байналмилалии сайёҳӣ ва соҳибкории Тоҷикистон ва муассисаҳои таҳсилоти олии Узбекистон созишномаи ҳамкорӣ ба имзо расид
Дар Душанбе чорабинии фарҳангӣ — фароғатии «Dushanbe Navruz Fest» баргузор мешавад
Зарфияти сайёҳӣ ва ҳунарҳои мардумии Тоҷикистон дар Намоишгоҳи байналмилалии сайёҳии «MITT — 2026» муаррифӣ мегардад
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
РУШДИ САЙЁҲӢ. Резервати биосферии «Ромит» ба макони писандидаи сайёҳон табдил ёфтааст
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
