Дар Маҷлиси намояндагон бахшида ба Рӯзи Модар ҳамоиш доир гардид
ДУШАНБЕ, 06.03.2025 /АМИТ «Ховар»/. Имрӯз бахшида ба Рӯзи Модар таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар мақоми олии қонунбарори мамлакат ҳамоиши идона баргузор гардид. Дар ин хусус ба АМИТ «Ховар» аз Маҷлиси намояндагон хабар доданд.
Маҳмадтоир Зокирзода иброз намуд, ки Ҷумҳурии Тоҷикистон таҳти роҳбарии Президенти Тоҷикистон, Пешвои миллат муҳтарам Эмомалӣ Раҳмон аз рӯзҳои аввали созандагиҳо ба неруи офарандаи Зан-Модар таваҷҷуҳи хос зоҳир намуда, ин давлати миллиро дар асоси ормонҳои модарони тоҷик, ки ҷавҳари онро сулҳу салоҳ, ҳамдилию ҳамгироӣ ва худогоҳию башардӯстӣ ташкил медиҳад, бунёд гузоштанд. Занон низ бояд масъулияти баланди миллию шаҳрвандӣ дошта, дар ҳифзи арзишҳои миллию фарҳангӣ ва тарбияи насли ҷавон саҳм гузоранд.
«Рӯзи Модар яке аз ҷашнҳои фараҳу шодмонӣ, шоистагию қадршиносӣ ва саршор аз садоқати волои инсонӣ аст, ки ҳамасола мардуми Тоҷикистон ва хосса, ҷавонмардони боиззат онро интизор мешаванд ва ба истиқболи шоистаи он омодагии хос мебинанд. Зеро ин ҷашне аст, ки бо исми бузурги Модар пайванд мебошад ва зиндагию рӯзгори ҳар кадоми мо аз муҳаббату самимият ва шарофату фидокории модарон сарчашма гирифтааст»,-изҳор намуд Маҳмадтоир Зокирзода.
Рӯзи Модар ҷашне аст, ки на танҳо дар мамлакати мо, балки дар ҳар гӯшаву канори олам бо хушнудии том истиқбол мегардад. Бо шарофати ин ҷашн аз муҳаббат, самимият, покию иззат, шарафу номус ва офарандагии Зан-Модар сухан гуфта мешавад. Зеро Модар ҳаммаънои офарандагӣ ва ҳаммаъвои зиндагии башарият мебошад.
АКС: Маҷлиси намояндагони Маҷлиси Олии Ҷумҳурии Тоҷикистон
«ЗАН НАБОШАД, ЗЕБУ ЗИНАТ НЕСТ ДАР МАЪВОИ МО». Андешаҳо оид ба симои зан-модари тоҷик дар ашъори Мирзо Турсунзода
Дар Донишгоҳи давлатии Бохтар бахшида ба Рӯзи Модар ҳамоиши тантанавӣ доир гардид
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Занон дар рушди иқтисодиёти Тоҷикистон саҳми назаррас доранд
«Шинохти мақому манзалати зан-модари тоҷик ин шинохти миллат аст», — бардошт аз ҳамоиш дар Кумитаи рушди маҳал
Ҷомеае, ки занони босавод, фаъол ва худшинос дорад, метавонад ба сӯи ояндаи равшан ва ободу осуда қадам гузорад
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
РӮЗИ МОДАР — ИСФАНДОРҶАШНИ НИЁГОН. Тоҷикон аз замонҳои қадим арзишҳои фарҳангиро ҳифз намуда, аз насл ба насл интиқол додаанд
МОДАР — АВВАЛИН УСТОД. Дар аллаи ӯ як ҷаҳон меҳру муҳаббат ва орзую ормон нуҳуфтааст
МАНЗАЛАТИ ЗАН ДАР ТОҶИКИСТОН БАЛАНД АСТ. Андешаҳо оид ба нақши занон дар таҳкими Истиқлолияти давлатӣ
Байни Ҳукумати Ҷумҳурии Тоҷикистон ва Ҳукумати Федератсияи Русия созишнома ба тасвиб расид
