Шӯъбаи ноҳиявии Раёсати КДАМ дар Рӯшон ҷинояткори хавфнокро дастгир намуд

Май 22, 2020 12:54

ДУШАНБЕ, 22.05.2020 /АМИТ «Ховар»/. 22 майи соли 2020, соати 09:30 дар деҳаи Барӯшони ноҳияи Рӯшон шӯъбаи ноҳиявии Раёсати КДАМ амалиёти махсус барои дастгир кардани ҷинояткори хавфнок Шароф Қобилов, соли таваллудаш 1976, зода ва истикоматкунандаи деҳаи Барӯшони ноҳияи  Рӯшон гузаронид, хабар медиҳад АМИТ «Ховар» бо истинод ба Маркази матбуотии Раёсати КДАМ дар ВМБК.

Ҳангоми амалиёт Ш.Қобилов бо корд ҳуҷум карда,  сардори шӯъбаи ноҳиявӣ Чуянов Самариддинро  захмӣ гардонд. Новобаста аз ин роҳбари шӯъбаи амниятии ноҳия тавонист амалиётро роҳбарӣ ва қочоқчии ашаддӣ, саркардаи гурӯҳи муташаккили ҷиноятиро дастгир намояд.

Бояд тазаккур дод, ки Шароф Қобилов, ташкилкунанда ва иштирокчии асосии далели қочоқи маводи мухаддир аз Ҷумҳурии Исломии Афғонистон, рӯзи 1 майи соли равон дар мавзеи сарҳадии Барӯшони ноҳияи Рӯшон мебошад, ки ҳангоми гузаронидани амалиёти дастгиркунӣ тавониста буд аз ҷои ҳодиса фирор кунад. Дар таърихи зикргардида микдори  махсусан калони маводи мухаддир мусодира ва ду ҳаммаслаки Ш. Қобилов ҳангоми содир намудани ҷиноят дастгир ва ба ҳабс гирифта шуда буданд.

Вобаста ба ҳодисаи мазкур парвандаи ҷиноятӣ оғоз шуд.

Сардори шуъбаи РКДАМ дар ноҳияи Рӯшон дар беморхона бистарӣ гардид. Вазъи саломатиаш қаноатбахш арзёбӣ мегардад.

Раёсати КДАМ дар Вилояти Куҳистони Бадахшон бо қотеият изҳор медорад, ки кормандони Кумитаи давлатии амнияти миллӣ дар минтақа муборизаро ба муқобили гурӯҳҳои муташаккили ҷиноятӣ, махсусан қочоқбарони маводи мухаддир, силоҳ ва муҳимот боз ҳам пурзӯр намуда, тамоми чораҳоро барои таъмини амнияти шаҳрвандон, ҷомеа ва давлат амалӣ хоҳанд кард.

 

Маркази матбуотии Раёсати Кумитаи
давлатии амнияти миллӣ дар ВМКБ

Май 22, 2020 12:54

Хабарҳои дигари ин бахш

ОФАТИ ТАБИӢ. Бар асари боронҳои шадид дар ноҳияи Хуросон 338 хонаи истиқоматӣ зарар дидааст
«СOVID-19 – МУШКИЛОТ БАРОИ БАШАРИЯТ, ЗАРБА БА ИҚТИСОДИ ҶАҲОН». Чунин иброз дошт дар суҳбат бо АМИТ «Ховар» Раиси Кумитаи бехатарии озуқавории назди Ҳукумати Ҷумҳурии Тоҷикистон М. Файзуллозода
ШАБАКАҲОИ ИҶТИМОӢ: МАНФИАТОВАР Ё ХАТАРЗО? Ба андешаи корманди Маркази тадқиқоти стратегӣ Хуcрав Ализода — «ҳам ину ҳам он»
АМАЛИЁТИ «ДОРУХОНА» ИДОМА ДОРАД! Зимни санҷишҳо чандин ҳанноти доруфурӯш, ки нархи маводро ба таври сунъӣ боло бурдаанд, ошкор шуданд
Маркази матбуоти Қӯшунҳои сарҳадии КДАМ ҶТ оид ба муноқишаи сарҳадӣ иловатан хабар медиҳад
Маркази матбуоти Қӯшунҳои сарҳадии КДАМ ҶТ хабар медиҳад
Кормандони милиса дар арафаи Рӯзи Ғалаба ба аёдати иштирокчии ҶБВ Маҳмадулло Сафарови 100-сола рафтанд
«ТЕРРОРИЗМИ БАЙНАЛМИЛАЛӢ ВА ИФРОТГАРОИИ ДИНӢ». Таҳти ин унвон дар Душанбе китоби нав аз чоп баромад
COVID – 19. Таъмини амнияти иттилоотӣ дар шароити пандемияи коронавирус
АМАЛИЁТИ «ДОРУХОНА»: Мақомоти корҳои дохилии шаҳри Душанбе ба муайян кардани гунаҳгорони ба таври сунъӣ боло бурдани нархи доруворӣ шуруъ намуд
Муовини Сарвазири Тоҷикистон аз қисмҳои низомии мамлакат боздид намуд
Корманди Нозироти андоз ҳангоми гирифтани 21 ҳазор сомонӣ пора дастгир гардид

Маводҳои таҳлилӣ