Фазилати эълон гардидани соли ҷавонон

Февраль 24, 2017 15:58

Миралиён.ДУШАНБЕ, 24.02.2017/АМИТ «Ховар»/. «Яке аз омилҳои асосии эълон гардидани соли 2017 Соли ҷавонон ин рисолати созандагию бунёдкорӣ доштани насли ҷавон аст»,- зикр намуд Қиёмидини Миралиён, вакили Маҷлиси намояндагон дар семинаре, ки имрӯз дар Парлумони кишвар дар мавзӯи «Фазилатҳои Соли ҷавонон эълон гардидани соли 2017» доир гардид.
Таъкид шуд, ки Аз ҷониби Президенти кишвар Эмомалӣ Раҳмон Соли ҷавонон эълон гардидани соли 2017 дастоварди арзишманд дар самти татбиқи сиёсати Ҳукумати Ҷумҳурии Тоҷикистон нисбат ба ҷавонон аст, ки ояндаи сарзамин ба фаъолияти онҳо вобаста мебошад.
Бо дахл ба нақши ҷавонон дар рушди соҳаҳои мухталифи кишвар зикр шуд, ки аз рӯзҳои нахустини соҳибистиқлолӣ, ҷавонон дар ташаккул ва рушди муносибатҳои иҷтимоиву иқтисодӣ, фарҳангиву сиёсӣ ва ваҳдати миллӣ саҳми босазо гузоштаанд. Дар ин росто ҷавонон дар сафи Қувваҳои мусаллаҳ, мақомоти ҳифзи ҳуқуқ, соҳаҳои маориф, тандурустӣ ва дигар бахшҳо неруи пешбарандаи ҷомеа эътироф гардидаанд. Иштирокдорони семинар зикр намуданд, ки ҷавонон дар рушди бахшҳои иҷтимоӣ-иқтисодии ҷомеа сарвати асосӣ ва афзалиятнок ба шумор мераванд. Тибқи таҳлилҳо дар кишварамон тақрибан 55% аҳолии қобили меҳнат ва 80% шаҳрвандон ба иқтисодиёт машғулро ҷавонон ташкил медиҳанд. Мутаносибан ҷавонон ҳамчун захира ва қувваи асосии меҳнатӣ, инчунин сармояи афзалиятноки инсонӣ дар иқтисодиёти кишвар арзёбӣ мегарданд.
Бояд тазаккур дод, ки дар семинар вакилон ва кормандони масъули Дастгоҳи Маҷлиси намояндагони Маҷлиси Олии Ҷумҳурии Тоҷикистон доир ба аҳамияти Соли ҷавонон эълон гардидани соли 2017 аз ҷониби Президенти кишвар Эмомалӣ Раҳмон ва нақши ҷавонон дар пешбурди ҳаёти сиёсию иқтисодӣ ва иҷтимоию фарҳангии кишвар ибрози назар карданд.

Февраль 24, 2017 15:58

Хабарҳои дигари ин бахш

Дар Бадахшон корҳои соҳилмустаҳкамкунӣ таҳти назорат гирифта шуд
Бо мақсади пешгирии бемории COVID-19 дар Душанбе ҳамоиши серӯзаи омӯзишӣ доир шуд
Дар таъмини амнияти озуқавории мамлакат саҳми арзанда гузорем,- бардошт аз силсиламулоқотҳо дар Ховалинг
Ҳайати Кумитаи ҳолатҳои фавқулода ва мудофиаи граждании Тоҷикистон аз Маркази ёрии таъҷилии равонии ВҲФ Русия дидан намуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Доир ба ҷамъбасти лоиҳаи грантӣ дар Донишкадаи давлатии фарҳанг ва санъати Тоҷикистон ҳамоиш доир шуд
«БА ДУШАНБЕ ПАРВОЗ КАРДА, БА ҲАЙРАТ АФТОДАМ, КИ ОДАМОН ДАР ОН ҶО ЧӢ ГУНА КОР МЕКУНАНД». Корбарони шабакаҳои иҷтимоӣ суханони сарвари Беларусро дар бораи сафари охиринаш ба Тоҷикистон бетаваҷҷуҳ нагузоштанд
Дар шаҳри Турсунзода ду сардхонаи замонавӣ бо ғунҷоиши 1400 тонна маҳсулоти кишоварзӣ ба истифода дода шуданд
ОБУ ҲАВО: Имрӯз дар Тоҷикистон ҳаво тағйирёбанда мешавад
Бо иқдоми неки оилаи Давлатовҳо, ки аъзои фаъоли ҲХДТ мебошанд, дар деҳоти Сангтӯдаи Данғара мактаб бунёд гардид
Нишонаи Саридораи ҳифзи сирри давлатӣ тасдиқ гардид
ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад