Дар Душанбе боз як корхонаи истеҳсоли семент ва маҳсулоти сохтмонию бетонӣ бунёд мегардад
ДУШАНБЕ, 11.06.2019 /АМИТ «Ховар»/. Дар зарфи панҷ соли оянда дар канори Душанбе боз як корхонаи истеҳсоли семент, маҳсулоти сохтмонию бетонӣ ва халта бунёд мегардад. Дар ин росто, 10 июн дар шаҳри Душанбе байни Ҳукумати Ҷумҳурии Тоҷикистон ва Ҷамъияти саҳомии пӯшидаи «Тоҷиксемент» созишномаи сармоягузорӣ ба имзо расид. Санади мазкурро Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода ва директори ҶСК «Тоҷиксемент» Муродҷон Шарифов имзо гузоштанд.
Аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба АМИТ «Ховар» иттилоъ доданд, ки барои бунёди ин корхонаи саноатӣ 100 миллион долллари амрикоӣ сармояи мустақим ҷалб карда хоҳад шуд. Интизор меравад, ки иқтидори корхонаи истеҳсоли семент, маҳсулоти сохтмонию бетонӣ ва халта истеҳсоли 1,2 миллион тонна семент ва 80 миллион дона халта дар як сол мебошад.
Имзои Созишнома оид ба бунёди корхонаи истеҳсоли семент, маҳсулоти сохтмонию бетонӣ ва халта дар ҳолест, ки Ҳукумати Ҷумҳурии Тоҷикистон саноатикунонии мамлакатро яке аз ҳадафҳои стратегии мамлакат эълон карда, бо табиқи он Тоҷикистон аз модели давлати аграрӣ ба кишвари индустриалӣ –аграрӣ мегузарад.
Байни Вазорати кишоварзии Тоҷикистон ва Вазорати кишоварзии Қазоқистон Ёддошти тафоҳум ба имзо расид
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
Дар Душанбе дурнамои ҳамкорӣ бо Хазинаи кувайтии рушди иқтисодии араб баррасӣ гардид
