Дар вилояти Суғд дарсҳои омӯзишии роҳбарӣ ва идоракунии муосир гузаронида шуданд

Июль 5, 2019 15:06

ДУШАНБЕ, 5.07.2019. /АМИТ «Ховар»/. Имрӯз дар шаҳри Гулистони вилояти Суғд дарсҳои омӯзишии директорон ва аъзои роҳбарикунандаи литсейҳои касбии техникии вилояти Суғд дар доираи Барномаи омӯзиши роҳбарӣ ва идоракунии муосир дар низоми лоиҳаи «Тақвияти таҳсилоти касбӣ-техникӣ ва омӯзиш» (ТИКТО)-и Вазорати меҳнат, муҳоҷират ва шуғли аҳолии Ҷумҳурии Тоҷикистон ба анҷом расиданд.

Дарсҳои омӯзишӣ дар маркази тренингии Бонки миллӣ дар шаҳри Гулистон аз 24 июн то 5 июли соли равон аз ҷониби тренерони таҷрибадор барои 44 нафар директорон ва як узви роҳбарикунандаи литсейҳои касбии техникии вилояти Суғд гузаронида шуданд.

Тавре аз Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» хабар доданд, иштирокчиён вобаста ба «Муносибати соҳибкорӣ ба идоракунии муассисаи таълимӣ», «Банақшагирии стратегӣ ва тиҷоратӣ», «Маблағгузорӣ дар асоси натиҷа», «Маблағгузории гендерӣ», «Низоми таъмини Таълим дар асоси салоҳият (ТАС)», «Низоми иттилоотии идоракунии молиявӣ», «Роҳбарият ва ташаккули сиёсат дар Таҳсилоти ибтидоии касбии техникӣ ва омӯзиш (ТИКТО)», «Тақвияти шарикии соҳавии муассисаҳо», «Таъмини сифат дар ТИКТО», «Низоми иттилоотии идоракунӣ (НИИ), Низоми иттилоотии бозори меҳнат (НИБМ), мониторинг ва баҳодиҳӣ» омӯзонда шуданд.

Бояд зикр кард, ки баргузории чунин тренингҳо моҳҳои июл ва августи соли равон барои директорон ва як узви роҳбарикунанда (аз ҳисоби занон)-и ҳайати 39 литсейи касбии техникии шаҳри Душанбе, шаҳру ноҳияҳои тобеи ҷумҳурӣ, вилояти Хатлон ва ВМКБ дар шаҳрҳои Душанбе ва Бохтар дар назар дошта шудааст.

Ҳадафи асосии Лоиҳа мусоидат ба устувории заминаҳои моддӣ-техникӣ, методӣ ва барқарорсозии инфрасохторҳои марказҳои таълими калонсолон ва литсейҳои касбии техникии Вазорати меҳнат, муҳоҷират ва шуғли аҳолии Ҷумҳурии Тоҷикистон буда, он ба  омода намудани мутахассисони баландихтисоси ҷавобгӯ ба талаботи бозори меҳнат равона гардидааст.

Ёдрас мешавем, ки лоиҳаи «Тақвияти таҳсилоти касбӣ-техникӣ ва омӯзиш» дар асоси созишномаҳои байни Ҳукумати Ҷумҳурии Тоҷикистон ва Бонки Осиёии Рушд аз соли 2016 амалӣ мешавад.

Июль 5, 2019 15:06

Хабарҳои дигари ин бахш

Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд
Аз 1 октябр молу воситаҳои нақлиёти воридотӣ ва содиротӣ тавассути низоми «АСИКУДА-и ҷаҳонӣ» ба расмият дароварда мешаванд
Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд