Директори осорхонаи Бадахшон: «Ҳадафи мо ҳимояи мероси моддию маънавии мардуми тоҷик аст»

Сентябрь 27, 2019 12:09

ХОРУҒ, 27.09.2019. /АМИТ «Ховар»/. Кормандони осорхонаи Вилояти Мухтори Кӯҳистони Бадахшон бо мақсади муаррифии маконҳои таърихӣ ва ҳунарҳои қадимии мардумӣ дар деҳаи дурдасти Ямғи водии Вахони ноҳияи Ишкошим  конфронси илмӣ-амалӣ ва намоиши ҳунарҳои дастии ҳунармандони маҳаллиро баргузор карданд.

Директори осорхонаи вилоятӣ Хушомад Алидод гуфт, ки «конфронси илмӣ-амалӣ ба ҳаёту эҷодиёти шоир, мунаҷҷим ва файласуфи асри 19, зодаи ҳамин деҳа Суфӣ Муборакқадами Вахонӣ бахшида шуд. Сокинони деҳа дар давоми бештар аз 180 сол хонаеро, ки дар он Мубораки Вахонӣ ба дунё омадаву тамоми осори илмию адабиашро дар он  эҷод кардааст, ба осорхона табдил доданд. Дар гӯшае аз ин хона асбобҳои мусиқӣ, осори назмию насрӣ ва илмӣ, дар гӯшаи дигар асбобҳои рӯзгори он замон гирдоварӣ шудаанд. Дар ҳавлии манзил расадхонаи хурде, ки ба воситаи он фарорасии иди Наврӯзро муайян мекард, ҳанӯз ҳам побарҷост».

Номзади илми таърих Аловиддин Шоинбеков Солҳои рушди деҳот, сайёҳӣ ва ҳунарҳои мардумӣ эълон гардидани солҳои 2019 – 2021-ро барои омӯзиши маконҳои таърихӣ ва муаррифии ин мавзеъҳо ба сайёҳони ватанию хориҷӣ  фурсати мусоид мешуморад. «Баъди таъмиру навсозии осорхона ва ба намоиш гузоштани нигораҳои гуногуни таърихию фарҳангӣ он таваҷҷуҳи зиёди сайёҳони хориҷиро ба худ ҷалб намуд. Ин барои баланд бардоштани сатҳи зиндагии деҳотиён ва инфрасохтори худи деҳа низ мусоидат кард»,-мегӯяд мавсуф.

Қабл аз оғози конфронси илмӣ-амалӣ ҳунармандони маҳаллӣ маҳсулоти дастии худро ба намоиш гузоштанд. Ба гуфтаи олимони соҳаи мардумшиносӣ, нақшу нигори тоқиҳо, миёнбанду шерозаҳои занони вахонӣ аз дигар манотиқи мамлакат фарқ дорад. Ҳар як нақш рамзи хоси худро дошта, бештарашон шаклҳои геометрии росткунҷа доранд. Дар ҳоле ки дар дигар минтақаҳо шакли нақшу нигор ба таври доира тасвир ёфтааст.

Директори осорхонаи вилоятӣ гуфт, ки ба хотири ҳифзи мероси моддию маънавии ниёгон минбаъд низ баргузории чунин ҳамоишҳои илмӣ дар дигар деҳоти вилоят идома меёбад.

Сентябрь 27, 2019 12:09

Хабарҳои дигари ин бахш

Шермуҳаммад Шоҳиён: «Миллати шарафманди тоҷик таъриху фарҳанги худро бо ҳамин забон ба ҷаҳониён муаррифӣ кардааст»
МО ХОТИРАИ ӮРО АБАДӢ ПОС ХОҲЕМ ДОШТ. Яке аз тарҷумонҳои касбии Тоҷикистон Мадориф Шарифов даргузашт
«ИСТИҚЛОЛ ВА РУШДИ ЗАБОНИ ДАВЛАТӢ ДАР ҚОНУНГУЗОРӢ». Таҳти чунин унвон дар Душанбе ҳамоиш баргузор шуд
Намояндаи Тоҷикистон дар ҷаласаи Шӯрои сайёҳии кишварҳои узви Иттиҳоди Давлатҳои Мустақил тариқи маҷозӣ иштирок намуд
РӮЗИ ЁДБУДИ МАВЛОНО. Таълимоти Ҷалолуддини Балхӣ ҳамзистии осоиштаро тарғиб менамояд
ЭҲДО БА РЎЗИ МАВЛОНО. Пешвои миллат: «Осори Ҷалолуддини Балхӣ дар радифи даҳ китоби сертеъдод ва хонданитарини аҳли олам қарор гирифтааст»
МО БАРОИ ВАСЛ КАРДАН ОМАДЕМ! Пагоҳ дар Душанбе Рӯзи Мавлоно таҷлил мегардад
«ДУШАНБЕ-ШАҲРИ ИМКОНОТИ РУШДИ САЙЁҲИИ УСТУВОР». Таҳти чунин унвон Рӯзи ҷаҳонии сайёҳӣ таҷлил гардид
«МАВЛОНО-МУРШИДИ ВАҲДАТ ВА ГУФТУГӮИ ТАМАДДУНҲО». Дар Душанбе таҳти чунин унвон конфронси байналмилалӣ доир шуд
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид