Дар натиҷаи риоя нагардидани қоидаҳои бехатарӣ 17 ҳодисаи нохуш дар истеҳсолот ба қайд гирифта шуд

Июль 14, 2020 12:17

ДУШАНБЕ, 14.07.2020 /АМИТ «Ховар»/. Дар натиҷаи риоя нагардидани қоидаҳои бехатарӣ дар нимсолаи якуми соли равон 17 ҳодисаи нохуш дар истеҳсолот  ба қайд гирифта шуд. 14 нафар ҷароҳати ҷисмонӣ барошта, 3 каси дигар  ҳалок гардид.  Ин нуктаро сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон  Санъат Раҳим имрӯз  зимни нишасти матбуотӣ иброз дошт.

Зикр шуд, ки рух додани ҳодисаҳои нохуш дар истеҳсолот аз масъалаҳои ташвишовари Хадамот ба ҳисоб меравад. Хадамот бо мақсади пешгирии ҳодисаҳои нохуш мунтазам дар миёни кормандон ва корхонаҳои зериназоратӣ корҳои фаҳмондадиҳӣ ва профилактикиро доир менамояд.

Дар давраи ҳисоботӣ 170 нафар роҳбарон ва шахсони масъули корхонаҳое, ки дар фаъолияти онҳо риоя нагардидани талаботи қонунгузории амалкунанда ба назар мерасад, ба маблағи умумии 318 ҳазору 255 сомонӣ ҷарима карда шуданд.

ҶДММ «Ширкати кӯҳии саноатии Тоҷикистону Хитой», ҶДММ «Эмомимпортэкспорт», ҶСК «Тоҷикгидромонтаж», ҶДММ «Гидроэнергострой», ҶДММ «Ғайрат-82», ҶДММ «Шералиҷон», ҶДММ «Нерусоз», ҶСП «Зетеэм», ҶСП «Сохтмони асосӣ», ҶДММ «Асри -9» ва ҶДММ «Вахшсохтмон» аз ҷумлаи корхонаҳое мебошанд, ки дар фаъолияти онҳо риоя нагардидани талаботҳои қонунгузорӣ ошкор карда шуданд.

Дар ин давра муоинаи пурраи техникии 193 иншооти борбардор, аз ҷумла кранҳо, лифтҳо,  эскалаторҳо дар корхонаву ташкилотҳо, меҳмонхона ва биноҳои баландошёнаи истиқоматӣ гузаронида шуд.

Дар давраи ҳисоботӣ аз ҷониби кормандони Хадамот назорати техникии мақсадноки пешазмавсимӣ оид ба муайян намудани ҳолати техникӣ ва омода шудан ба истифодабарии атраксионҳо дар боғҳои шаҳри Душанбе, аз ҷумда МД Боғи фарҳангу фароғатии «Нур», Боғи  ҳайвонот, ҶДММ «Делфин»  гузаронида шуд.

Дар фаъолияти аксарияти корхонаҳо риоя нагардидани талаботи қонунгузорӣ, ба монанди надоштани лоиҳаи коркарди конҳои канданиҳои фоиданок, набудани нақша, нарасидани мутахассисони соҳавӣ, риоя накардани талаботи дастурамалҳои соҳавӣ, аз муоинаи техникӣ нагузаронидани иншоот ва бо либосҳои махсуси корӣ таъмин набудани кормандон, инчунин дар феҳристи давлатӣ ба қайд нагирифтани иншоот ошкор карда шуданд.

Июль 14, 2020 12:17

Хабарҳои дигари ин бахш

Хадамоти давлатии оташнишонӣ кафили бехатарии мардуми Тоҷикистон аст. Ба ифтихори иди касбии кормандони соҳа
Аз 26 то 29 июл дар баъзе кӯчаҳо ва хиёбони Рӯдакии пойтахт ҳаракати воситаҳои нақлиёт маҳдуд карда мешавад
НИШАСТИ МАТБУОТӢ. Дар бозорҳои истеъмолии Тоҷикистон беш аз 107 ҳазор килограмм маҳсулоти бесифат ва хавфнок нобуд карда шуд
Бо иштироки ҳайати роҳбарикунандаи Вазорати мудофиаи Тоҷикистон ҷамъомадӣ таълимӣ-методӣ доир гардид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар вилояти Суғд кӯшиши интиқоли 70 кг маводи нашъадор пешгирӣ гардид
Дар Озмуни байналмилалии нозирони навраси ҳаракат 7 даста аз давлатҳои ИДМ иштирок менамояд
Вобаста ба малакаи амалии кӯдакон оид ба бехатарии ҳаракат дар роҳ конфронси байналмилалӣ доир шуд
Нақшаи Барномаи муштараки «Тағйири низомҳои озуқаворӣ барои беҳтар намудани сифати ғизо» қабул шуд
Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд