Дар ноҳияи Бобоҷон Ғафуров фермаи моли калони шохдор пас аз таҷдиду навсозӣ мавриди истифода қарор гирифт

Июль 1, 2020 08:15

ДУШАНБЕ, 01.07.2020 /АМИТ «Ховар»/. Дирӯз дар ҷамоати деҳоти Исфисори ноҳияи Бобоҷон Ғафуров фермаи моли калони шохдори ҶСШК ба номи Абдураҳим Ҷумъаев пас аз таҷдиду навсозӣ мавриди истифода қарор дода шуд. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд. 

Дар маросими баистифодадиҳии иншооти мазкур Раиси вилояти Суғд Раҷаббой Аҳмадзода, Вазири кишоварзии Ҷумҳурии Тоҷикистон Амонулло Салимзода ва раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода иштирок карданд.

Тавре иттилоъ дода шуд, масоҳати фермаи чорводории моли калони шохдори хоҷагӣ 8 гектар буда, он аз 5 оғилхона, 6 шипанги баҳорӣ, анбор барои захираи хӯроки чорво, ошхона ва бинои маъмурӣ иборат мебошад. Соли ҷорӣ бинои оғилхонаи 1 ва 2, шипанги баҳории 1 ва 2, анбор, бинои маъмурӣ, ошхона аз таъмири асосӣ бароварда шуд.

Тибқи иттилои масъулини бахши кишоварзии ноҳияи Бобоҷон Ғафуров, саршумори умумии моли калони шохдори фермаи ҷамъият 377 сарро ташкил дода, аз он модагов  147 сар мебошад. Дар ферма чорвои калони шохдори зоти сиёҳалои типи тоҷикӣ парвариш карда мешавад.

Мувофиқи маълумот, соли 2019 дар фермаи чорводории хоҷагӣ 2320 тонна шир истеҳсол шудааст. Ҳисоби миёнаи ширдўшӣ аз як сар модагов ба 1982 литр баробар аст.

Шумораи кормандони фермаи чорводорӣ 17 нафарро ташкил дода, аз он 7 нафар занҳо мебошанд. Музди миёнаи моҳонаи кормандони фермаи чорводорӣ 580 сомониро ташкил медиҳад.

Ёдовар бояд шуд, ки масоҳати умумии замини ҶСШК ба номи Абдураҳим Ҷумъаев 17 221 гектарро ташкил дода, аз он қитъаи корами обӣ 2504 гектар, корами лалмӣ 274 гектар, 603 гектар боғот, 1717 гектар чарогоҳ ва дигар заминҳо 12123 гектар мебошад.

Шумораи умумии саҳмдорон 586 нафарро ташкил дода, аз он 280 нафар занҳо мебошанд.

Дар хоҷагии мазкур 2 фермаи чорводорӣ, парки тракторӣ ва автомобилӣ, 27 бошишгоҳи саҳроӣ, техникаю мошинолот мавҷуд мебошанд.

Июль 1, 2020 08:15

Хабарҳои дигари ин бахш

ТАВАҶҶУҲ! Шурӯъ аз 1 май дар шоҳроҳи Душанбе-Чаноқ маҳдудияти мавсимӣ ҷорӣ мешавад
Ба Қонуни Ҷумҳурии Тоҷикистон «Дар бораи ҳифзи муҳити зист» тағйирот ворид гардид
Бозиҳои II кишварҳои ИДМ, шабеҳи Спартакиадаи халқҳои ИҶШС, аз 3 то 15 авусти соли 2023 дар Беларус баргузор мегарданд
КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
Дар Душанбе дурнамои нишондиҳандаҳои рушди соҳаҳои воқеии иқтисоди миллӣ баррасӣ гардид