«Маро кормандони БДА манъ карда наметавонанд». Ҳабси ронандае, ки худро корманди ҳифзи ҳуқуқ муаррифӣ намуд
ДУШАНБЕ, 01.07.2020 /АМИТ «Ховар»/. Як нафар корбари саҳифаи иҷтимоии Инстаграм бо ирсоли наворе аз Раёсати ВКД дар шаҳри Душанбе хоҳиш намуд, то ронандаи воситаи нақлиёти дар он инъикосёфта мавриди санҷиш қарор дода шавад. Дар ин бора сардори маркази матбуоти Раёсати ВКД дар шаҳри Душанбе Сироҷиддин Шукуров ба АМИТ «Ховар» хабар дод.
Тавре худи ронанда дар навори ирсолнамуда мегӯяд, ӯ 15 қадаҳ (бакал) машруботи спиртӣ нушида, воситаи нақлиётро идора мекунад ва дорои шаҳодатномаи (удостоверение) махсусе аст, ки ӯро кормандони БДА манъ карда наметавонанд.
Ҷиҳати таҳқиқи навори мазкур ва муайян намудани шахсияти ронандаи дар навор инъикосёфта кормандони мақомоти милитсияи шаҳри Душанбе дар натиҷаи пешбурди як қатор чорабиниҳои оперативӣ-ҷустуҷӯӣ шахсияти ронандаро муайян намуда, ӯ ва автомашинаашро ба Раёсати ВКД дар шаҳри Душанбе дастрас намуданд.
Дар натиҷа муайян карда шуд, ки номбурда шаҳрванд Ҷумъаев Азаматқул Худойқулович, соли таваллудаш 19.04.1989, сокини шаҳри Душанбе буда, ҳангоми идораи воситаи нақлиёти шахсиаш, тамғаи Тайота-кемрӣ, аломати қайди давлатиаш 0101 ON 01 ба ҳаракатҳои намоишкорона даст зада, ба хотири худнамоӣ ва бартарӣ пайдо намудан дар байни дигар истифодабарандагони саҳифаҳои иҷтимоии интернетӣ дар саҳифаи иҷтимоии Инстаграми худ ба пахши мустақим (прямой эфир) баромада, аз ҳисси ҳавобаландӣ чунин суханонро изҳор доштааст.
Зимни пурсиши номбурда ва санҷиши ҳамаҷониба муайян карда шуд, ки ронандаи дастрасгардида Азаматқул Ҷумъаев дар ягон мақомоти давлатӣ фаъолият намекунад ва ба соҳибкорӣ машғул будааст.
Вобаста ба ҳолати мазкур нисбаташ парвандаи маъмурӣ барои паҳн намудани хабари бардуруғ оиди фаъолият доштанаш дар мақомоти ҳифзи ҳуқуқ ва ба ин васила иснод овардан ба шаъни мақомотҳои давлатӣ тартиб дода шуда, дар асоси Қарори Суд нисбаташ ҷазо дар намуди ҳабси маъмурӣ татбиқ карда шуд.
Раёсати ВКД дар шаҳри Душанбе ба иттилои кулли шаҳрвандон, махсусан сокинони пойтахти мамлакат — шаҳри Душанбе мерасонад, ки ҳама дар назди қонун баробар буда, истифодаи ваколатҳо ба ҳеҷ кас иҷозат намедиҳад, ки қонуншиканӣ намояд.
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
Кормандони мақомоти милитсияи шаҳри Душанбе Рӯзи Ваҳдати миллиро таҷлил намуданд
Дар Вазорати мудофиа маъракаи даъвати баҳорӣ ба хизмати ҳатмии ҳарбӣ натиҷагирӣ шуд
ТАВАҶҶУҲ! Мақомоти милитсияи Душанбе огоҳ месозад: « Ба ҳар гуна зангҳои афроди ношинос ва хабарҳои бардурӯғи онҳо бовар накунед»
Дар шаҳри Хоруғ доир ба таҳкими ҳифзи сирри давлатӣ ҳамоиш доир гардид
Вокуниши қонунӣ нишон додан ба фаъолият ва амалҳои ташкилоти террористӣ ва экстремистӣ амри зарурӣ ва воқеӣ мебошад
Чӣ бояд кард, то шахс ба доми хатарбори ҳизбу созмонҳои террористӣ ва ифротгароӣ наафтад?
Тоҷикистон даҳсолаҳо боз дар сафи пеши муқовимат бо терроризми байналмилалӣ қарор дорад
Дар Душанбе даври дуюми музокироти Тоҷикистон ва Русия оид ба масъалаҳои муҳоҷират доир гардид
