Дар минтақаи озоди иқтисодии «Кӯлоб» нахустин субъекти соҳибкорӣ ба қайд гирифта шуд

Сентябрь 4, 2020 15:25

ДУШАНБЕ, 04.09.2020 /АМИТ «Ховар»/. Дар Минтақаи озоди иқтисодии «Кӯлоб» нахустин субъекти соҳибкорӣ ба қайд гирифта шуд. Имрӯз Вазири рушди иқтисод ва савдо Завқӣ Завқизода тасдиқномаи бақайдгирии субъекти Минтақаи озоди иқтисодии «Кӯлоб»-ро ба соҳибкори ватанӣ- роҳбари ҶДММ «Тоҷик Алмос» Хайриддин Бобоев супорид. 

Ин тадбир бо мақсади иҷрои саривақтии дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва супоришҳои протоколии Сарвазири мамлакат  Қоҳир Расулзода дар самти бунёди корхонаҳои нави саноатӣ ва таъсиси ҷойҳои нави корӣ андешида шудааст.

Ҳамзамон Созишномаи ҳамкорӣ оид ба пешбурди фаъолият дар минтақаи озоди иқтисодии «Кӯлоб» байни роҳбарони маъмурияти Минтақаи озоди иқтисодии «Кӯлоб» Мустафо Абдуллозода ва  ҶДММ «Тоҷик Алмос» Хайриддин Бобоев ба имзо расид.

Иттилоъ дода шуд, ки бунёди корхонаи истеҳсоли қисмҳои мошин дар ҳудуди МОИ «Кӯлоб» дар майдони 1 гектар ба нақша гирифта шуда, дар марҳилаи аввал истеҳсоли ҳавотозакунакҳои намудҳои гуногуни ҳавоӣ ва равғанӣ барои воситаҳои нақлиёти автомобилӣ ба роҳ монда мешавад. Корхона пурра бо технологияи  муосир муҷаҳҳаз гардида, арзиши умумии он беш аз 1,5 миллион сомонӣ аст. Интизор меравад, ки корхона дар зарфи 1-1,5 сол ба истифода дода шавад. Дар он зиёда аз 20 нафар мутахассисони маҳаллӣ бо ҷои кор ва музди меҳнат таъмин мегарданд.

МОИ «Кӯлоб» дар майдони 309 гектар соли 2019 таъсис дода шуда, соли 2020 ба фаъолият оғоз намуд. Ҷалби сармояи дохилию хориҷӣ дар самти бунёди корхонаҳои саноатӣ дар ҳудуди минтақаи иқтисодии мазкур ва ба ин васила бо шуғл фаро гирифтани шумораи бештари аҳолии маҳаллӣ минбаъд низ ҳамчун самти афзалиятноки Ҳукумати Ҷумҳурии Тоҷикистон бо маром идома дода мешавад.

Ёдовар мешавем, ки дар Тоҷикистон панҷ минтақаи озоди иқтисодӣ –«Суғд, «Панҷ», «Данғара», «Ишкошим» ва «Кӯлоб» таъсис дода шудаанд, ки МОИ «Суғд» ва «Данғара» аз минтақаҳои озоди иқтисодии фаъол маҳсуб меёбанд.

Сентябрь 4, 2020 15:25

Хабарҳои дигари ин бахш

Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид
Татбиқи тарҳи «Тақвияти бахши молиявӣ дар Тоҷикистон» баррасӣ гардид
Байни ширкатҳои сайёҳии Тоҷикистон ва Қазони Федератсияи Русия шартномаи ҳамкорӣ ба имзо расид