Вазири рушди иқтисод ва савдо масъалаҳои баланд бардоштани некӯаҳволии мардуми деҳотро баррасӣ намуд

Октябрь 16, 2020 10:40

ДУШАНБЕ, 16.10.2020 / АМИТ «Ховар» /. Вазири рушди иқтисод ва савдо Завқӣ Завқизода бо директори кишварии Фонди байналмилалии рушди кишоварзӣ дар Тоҷикистон Майкл Каутту тавассути видеоконференсия мулоқот намуд. Дар ин бора ба АМИТ «Ховар» аз Вазорати рушди иқтисод ва савдои Ҷумҳурии Тоҷикистон иттилоъ доданд.

Дар доираи мулоқот ҷонибҳо татбиқи марҳилаи навбатии лоиҳаи «Дастгирии соҳаи кишоварзӣ дар асоси ҷомеа — марҳилаи II» -ро, ки аз ҷониби Фонди байналмилалии рушди кишоварзӣ дар ҳамкорӣ бо дигар шарикони рушд маблағгузорӣ мешавад, муҳокима карданд.

Зикр гардид, ки вазифаҳои асосии лоиҳа таъмини амнияти озуқаворӣ, рушди соҳаҳои гуногуни кишоварзӣ, баланд бардоштани некӯаҳволии мардуми деҳот, дастгирии татбиқи ислоҳоти кишоварзӣ, мусоидат ба «иқтисоди сабз» ва мутобиқшавӣ ба тағйирёбии иқлим мебошанд.

Ҷониби Тоҷикистон диққати Фонди байналмилалии рушди кишоварзӣ дар Тоҷикистонро ба масъалаҳои тағйирёбии иқлим дар мамлакат, алахусус ҳолатҳои фавқулода, обхезӣ, ярч ва паҳншавии малах ҷалб намуда, зикр кард, ки чунин падидаҳо бештар дар вилояти Хатлон ва Вилояти Мухтори Кӯҳистони Бадахшон ба назар мерасанд.

Дар ҷараёни мулоқот Вазири рушди иқтисод ва савдо Завқӣ Завқизода пешниҳод кард, ки рушди «иқтисоди сабз» ва минтақаи озоди иқтисодии «Кӯлоб», мутобиқшавӣ ба тағйирёбии иқлим, ҳифзи минтақаҳои соҳилӣ ва кумаки техникӣ дар лоиҳа ба назар гирифта шаванд.

Дар фарҷоми мулоқот ҷонибҳо омодагии худро барои фарогирии ҳамаҷонибаи ҳамкории дуҷониба изҳор намуданд.

Октябрь 16, 2020 10:40

Хабарҳои дигари ин бахш

Агентии содирот: Нисбат ба шаш моҳи соли гузашта 88,3 фоиз зиёд маҳсулоти ватанӣ содирот гардидааст
НИШАСТИ МАТБУОТӢ. Новобаста ба таъсири омилҳои берунӣ рушди иқтисоди миллӣ таъмин гардид
Вазорати молия: ҳаҷми умумии даромади Буҷети давлатӣ ба 13,2 млрд сомонӣ баробар гардид
Баъди ба анҷом расонидани корҳои барқарорсозии НБО «Норак» иқтидори лоиҳавии он 8-10 фоиз афзоиш меёбад
625 нафар занони хонанишини деҳот бо шуғли парандапарварӣ фаро гирифта шуданд
Шумораи андозсупорандагоне, ки эъломияҳояшонро ба таври электронӣ пешниҳод мекунанд, 5,2 ҳазор адад зиёд шудааст
Дар доираи саноатикунонӣ дар шаҳри Ҳисор 74 корхонаи саноатӣ фаъол гардиданд
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Шаҳринав 377 иншоот бо харҷи беш аз 45 млн сомонӣ ба истифода дода шуданд
Чорумин ҷаласаи Комиссияи муштараки Ҷумҳурии Тоҷикистон ва Амороти Муттаҳидаи Арабӣ баргузор гардид
Тоҷикистон бо 111 давлат табодули мол намуда, 95 номгӯй молу маҳсулот ворид намудааст
Кумитаи андоз: Нақшаи андозҳо ва дигар пардохтҳои ҳатмӣ 101,4 % таъмин гардид
Тӯли шаш моҳ неруи барқ нисбат ба соли 2020 камтар истеҳсол шудааст

Хабарҳои муҳимтарин

Маводҳои таҳлилӣ