Доир ба масъалаҳои татбиқи фаъолияти марказҳои дастгирии оила ва кӯдак тибқи низомномаи нав ҳамоиш доир шуд

Ноябрь 19, 2020 13:03

ДУШАНБЕ, 19.11.2020 /АМИТ «Ховар»/.  18 ноябр дар шаҳри Душанбе оид ба масъалаҳои «Татбиқи фаъолияти марказҳои дастгирии оила ва кӯдак (хонаи кӯдакон) мутобиқи Низомномаи нав»  ҳамоиш доир гардид, ки дар он муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода, директорони марказҳои дастгирии оила ва кӯдак, намояндагони раёсатҳои молияи  шаҳрҳои Хуҷанд ва Истаравшан иштирок намуданд.

Тавре аз  Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» хабар доданд, Зулфия Абдусаматзода  иброз намуд, ки масъалаи ҳифзи саломатии модарон ва кӯдакон яке аз масъалаҳои  афзалиятноки фаъолияти Вазорати мазкур ба шумор рафта,  ба соҳа аз ҷониби давлат ва Ҳукумат таваҷҷуҳи махсус зоҳир карда мешавад.

Дар Тоҷикистон барои таъмини ҳуқуқ, аз ҷумла хизматрасонии тиббӣ ва тарбияи ҳамаҷонибаи кӯдакон  шароит ва имконоти мусоид муҳайё гардида, ҳамасола дар мамлакат даҳҳо муассисаҳои тандурустии кӯдакона, марказҳои солимгардонӣ ва майдончаҳои варзишӣ ба истифода дода мешаванд.

Вобаста ба раванди табдилҳидии хонаҳои кӯдакони соҳаи тандурустӣ ба марказҳои дастгирии оила ва кӯдак намояндаи Вазорати тандурустӣ ва ҳифзи иҷтимоии аҳолии мамлакат Азиза Хоҷаева сухан гуфт.

Номбурда  иброз дошт, ки бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Низомномаи намунавии Муассисаи давлатии «Маркази дастгирии оила ва кӯдак» таҳия гардида, он соли 2018 ба тасвиб расид, ки табдилдиҳии хонаҳои кӯдакони амалкунандаро ба марказҳои дастгирии оила ва кӯдак дар қиёс ба шаклҳои нигоҳубин дар муассисаҳои будубоши доимӣ ифода менамояд.

Дар идомаи ҳамоиш як зумра иштирокчиён доир ба масъалаҳои табдилдиҳии хонаҳои кӯдакон ба марказҳои дастгирии оила ва кӯдак ҳарф заданд.

Ноябрь 19, 2020 13:03

Хабарҳои дигари ин бахш

Дар Женева ҳамкорӣ байни Тоҷикистон ва Созмони байналмилалии меҳнат баррасӣ гардид
То соли 2028 ба ҳама шаклҳои бадтарини меҳнати кӯдакон дар Тоҷикистон хотима дода мешавад
Муовини Сарвазир бо рафти корҳои сохтмонии манзилҳои зист барои оилаҳои аз заминҷунбӣ зарардидаи ноҳияи Рашт шинос шуд
Барои дар тобистон ба бемории дарунравӣ гирифтор нашудани кӯдакон чӣ бояд кард?
Даври сеюми Озмуни ҷумҳуриявии «Тараннуми Ватан» баргузор мегардад
Беш аз 190 ҳазор нафар наврасони вилояти Хатлон ба истироҳатгоҳҳо фаро гирифта мешаванд
«ТОБИСТОН-2025». Дар Тоҷикистон беш аз 250 ҳазор кӯдакону наврасон ба истироҳат фаро гирифта мешаванд
РӮЗИ ҶАҲОНИИ ЯХМОС. Чаро ин ширинии яхбастаро аз ҳама зиёд кӯдакон дӯст медоранд?
ҒИЗОИ СОЛИМ. Ҷаҳон Азонов: «Истеъмоли нодуруст ва аз меъёр зиёди ғизо давомнокии умрро кӯтоҳ мекунад»
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст