Ҷаласаи 14-уми Комиссияи байниҳукуматии Тоҷикистон ва Беларус баргузор шуд
ДУШАНБЕ, 06.04.2021 /АМИТ «Ховар»/. 5 апрел дар Китобхонаи миллии Тоҷикистон ҷаласаи 14-уми Комиссияи байниҳукуматии Тоҷикистон ва Беларус оид ба ҳамкории тиҷоративу иқтисодӣ баргузор гардид, ки дар он ҳамраисони ҳайатҳои комиссия — Вазири кишоварзии Ҷумҳурии Тоҷикистон Сулаймон Зиёзода ва Вазири кишоварзӣ ва озуқавории Ҷумҳурии Беларус Иван Крупко иштирок намуданд.
Тавре аз шуъбаи матбуот ва иттилооти Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, сафари ҳайати Беларус дар давлати мо аз 5 то 8 апрел идома меёбад.
Дар ҷаласаи 14-уми Комиссияи байниҳукуматии Тоҷикистон ва Беларус ҳамкории тиҷоративу иқтисодӣ дар самти рушди иқтисод, маориф ва илм, тандурустӣ, сайёҳӣ ва дигар самтҳои муҳими байниҳукуматӣ мавриди баррасӣ қарор гирифта, аз ҳарду ҷониб ҳавасмандӣ изҳор гардид.
Ёдовар мешавем, ки моҳи августи соли 2019 Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Беларус сафари корӣ намуданд, ки зимни ин сафар Созишнома байни Вазорати кишоварзии Ҷумҳурии Тоҷикистон ва Вазорати кишоварзӣ ва озуқавории Ҷумҳурии Беларус оид ба ҳамкорӣ вобаста ба истифодаи захираҳои генетикии растаниҳо ва ҳайвонот ба имзо расонида шуд.
Мавриди зикр аст, ки бо талошҳои пайвастаи Сарвари давлат муҳтарам Эмомалӣ Раҳмон ва Александр Лукашенко муносибатҳои Тоҷикистон ва Беларус ба сатҳи шарикии стратегӣ расиданд, ки ин албатта, барои таъмиқи муносиботи ҳамкорӣ заминаи воқеӣ фароҳам месозад.
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
