КӮҲНАВАРД ВИТАЛИЙ ХИНЕНЗОН нахустин тоҷикистоние гардид, ки нуқтаи баландтарини сайёра — Эверестро фатҳ кард!
ДУШАНБЕ, 03.06.2021 /АМИТ «Ховар»/. Кӯҳнавард Виталий Хинензон нахустин тоҷикистоние гардид, ки 1 июни соли равон баландтарин нуқтаи сайёра — Ҷомолунгма (Эверест)-ро фатҳ кард. Дар ин бора варзишгар дар сафиҳаи худ дар Фейсбук хабар додааст.
«Мо ин корро анҷом додем! Ман парчами Тоҷикистонро дар Эверест бардоштам! Он бори аввал дар қуллаи баландтарини ҷаҳон аст!», — навиштааст кӯҳнавард дар саҳифаи худ.
Виталий барои фатҳи баландтарин қуллаи ҷаҳон (8848 метр) дар ҳайати дастаи байналмилалӣ ба экспедитсия, ки 11 апрел аз шаҳри Катмандуи Непал оғоз ёфта буд, рафт. Ин даста тасмим гирифта буд, ки Эверестро ҳанӯз соли 2020 фатҳ кунад, аммо бинобар пандемияи коронавируси COVID-19 ба таъхир анохтани он пеш омад.
Ба гуфтаи варзишгар, ин нахустин экспедитсияи кӯҳнавардони як қатор кишварҳо — Тоҷикистон, Молдова, Қирғизистон, Беларус ва Исроил ба Эверест буд.
Виталий Хинензон аллакай бомуваффақият фаромадааст, 3 июн ӯ аллакай дар Катманду — пойтахти Непал буд ва интизори интихоби парвоз ба хона аст.
Қулла дар Ҳимолой ҷойгир аст. Эверест баландтарин қуллаи Замин аст, ки таваҷҷуҳи зиёди кӯҳнавардонро ба худ ҷалб мекунад. Кушишҳои ба қулла баромадан дорои хусусияти мунтазам мебошанд. Баромадан ба қулла бо дарназардошти аклиматизатсия ва насби урдугоҳҳо тақрибан 2 моҳро дар бар мегирад.
Ҳамтои ӯ Нодир Турсунзода чунин менависад: «Ҳама кӯҳнавардоне, ки мехоҳанд нуқтаи баландтарини ҷаҳонро фатҳ кунанд, аз омӯзиши ҷиддӣ мегузаранд. Шароит дар кӯҳҳо ҷолиб нест ва кӯҳнавардон машқҳои махсус мекунанд, витаминҳо менӯшанд, то солимии равонӣ ва ҷисмониро нигоҳ доранд, зеро дар кӯҳҳо чунин аст: субҳ бисёр гарм мешавад ва зарурати кашидани либоси болоӣ пеш меояд ва бегоҳ хунуки имконнопазир аст.
Инчунин кӯҳнавардон ба кӯҳ баромада, дубора ба урдугоҳи асосӣ мефароянд. Ин барои он лозим аст, ки организм ба ҳавои камшумор одат кунад ва поён фаромадан барои ба шуш ворид кардани оксиген ва истироҳат лозим аст.
Ин аст, ки ҳамватани мо аксари тартиботро барои дар ҳолати муқаррарӣ нигоҳ доштан мегузарад.
Ва вақте ки вақти холӣ меёбад, аксҳои манзараҳои зебои қуллаҳои Ҳимолойро ба мо мефиристад».
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
Байни Тоҷикистон ва Италия Барномаи ҳамкории фарҳангӣ, илмӣ ва технологӣ барои солҳои 2024-2027 ба имзо расид
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
