Бо мусоидати Намояндагии Тоҷикистон зиёда аз 10 миллион маблағи қарзи музди меҳнати муҳоҷирон пардохт карда шуд

Июль 15, 2021 14:55

ДУШАНБЕ, 15.07.2021 /АМИТ «Ховар»/. Соли равон бо мусоидати Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират зиёда аз 10 миллион маблағи қарзи музди меҳнати муҳоҷирон аз ҷониби корфармоён пардохт карда  шуд.

Дар ин бора масъули бахши матбуоти Намояндагии мазкур Каримҷон Салимзода ба АМИТ «Ховар» хабар дод.

— Дар нимсолаи аввали соли 2021 ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират аз ҷониби муҳоҷирони меҳнатӣ – шаҳрвандони Ҷумҳурии Тоҷикистон беш аз 88  нафар   барои баргардонидани маблағи қарзи музди маошашон — 14544681,00 рубли русӣ муодил ба 2181702,00 сомонӣ муроҷиат намуданд. Дар ин давра аз ҷониби Намояндагӣ 10950272, 00 рули русӣ, яъне 75,3% маблағи муҳоҷирони меҳнатӣ бозгардонида шудааст. Намояндагӣ барои  пардохти бақияи маблағи зикршуда ба шаҳрвандони мо, ки   3594409,00 рубли русӣ, яъне 24,7% -ро ташкил медиҳад,  бо мақомоти марбутаи Федератсияи Россия кор бурда истодааст, — афзуд Каримҷон Салимзода.

Ёдовар мешавем, ки  дар Федератсияи Россия Намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират фаъолият мекунад, ки он дар суроғаи шаҳри Москва, кӯчаи  2-юми  Тверская — Ямская, бинои  40\3,  қатори  1, бинои  201, 207, 214 воқеъ гардидааст.   Дар ҳолатҳои  зарурӣ шаҳрвандони мо  метавонанд барои кумак ба Намояндагӣ бо  телефонҳои зерин:  +7 (495) 967-98-44 , тел.моб: 8 926 255 0927, сомонаи расмии  www.tajmigration.ru. почтаи электронии  prmstJ@mail.ru. муроҷиат намоянд.

 

Акс аз манбаъҳои боз

Июль 15, 2021 14:55

Хабарҳои дигари ин бахш

Дар натиҷаи обхезӣ дар Малайзия зиёда аз 4000 нафар тахлия шуданд
Намояндаи палатаи поёнии Парлумони Тоҷикистон дар ҷаласаи 10-уми сайёри намояндагони вазоратҳои корҳои хориҷӣ ва вакилони порлумон иштирок намуд
Имрӯз дар Тоҷикистон 21 дараҷа гармӣ дар назар аст
МУДОФИАИ ГРАЖДАНӢ. Дар ноҳияи Данғара омӯзишҳои мудофиавӣ амалӣ гардиданд
Донишҷӯи Консерваторияи миллии Тоҷикистон дар озмуни байналмилалӣ сазовори ҷои ифтихорӣ шуд
Ба кормандони ширкатҳои пешрафта чиро ва бо кадом роҳ меомӯзонанд?
Имрӯз дар Тоҷикистон ҳавои камабри бебориш дар назар аст
Дар Хуҷанд вобаста ба истифодаи технологияи муосир дар таълими фанҳои табиатшиносӣ, дақиқ ва риёзӣ конференсияи ҷумҳуриявӣ доир шуд
ТАРБИЯИ ВАТАНДӮСТИИ ШАҲРВАНДОН. Доир ба он дар Кумитаи телевизион ва радиои Тоҷикистон мулоқоти судманд баргузор шуд
Ҷиҳати баланд бардоштани маърифати ҳуқуқии шаҳрвандон дар шаҳри Турсунзода вохӯрӣ доир гардид
«Шаббода»-и адиб Иззатбек Идизода ғолиби озмуни «Китоби сол -2023» гардид
Фохта парандаи сол интихоб шуд