Дар Қувваҳои Мусаллаҳи Ҷумҳурии Тоҷикистон даври дуюми таҳсил оғоз гардид

Июль 2, 2021 11:56

ДУШАНБЕ, 02.07.2021 /АМИТ«Ховар»/. 1 июли соли соли равон дар Қувваҳои Мусаллаҳи Ҷумҳурии Тоҷикистон бо риояи қоидаҳои санитарӣ-гигенӣ даври дуюми таҳсил оғоз гардид. Тавре сардори Маркази матбуоти  Вазорати мудофиаи Ҷумҳурии Тоҷикистон, полковник Фаридун Маҳмадализода ба АМИТ «Ховар» иттилоъ дод, ҳамасола дар Қувваҳои Мусаллаҳи Ҷумҳурии Тоҷикистон ду давраи омӯзишӣ пешбинӣ шудааст, ки яке аз якуми январ оғоз гардида, он то охири моҳи май ҷамъбаст ва натиҷагирӣ карда мешавад. Даври дуюми таҳсил бошад, аз 1-уми июл дар Артиши миллии мамлакат шурӯъ шуда, то охири моҳи ноябр пурра ба анҷом мерасад.

Ногуфта намонад, ки зимни оғози ҳар як даври таҳсил ҷамъомаду машғулиятҳои гуногуни назариявию амалӣ ва баромадҳои саҳроӣ ба нақша гирифта шуда, он бо ҷалби ҳайатҳои роҳбариву фармондеҳии Қувваҳои Мусаллаҳи кишвар ва хизматчиёни ҳарбии сатҳу зинаҳои гуногуни Артиши миллӣташкилу ба роҳ монда мешавад.

Ҳамзамон ба зикри мавсуф, имсол низ дар рӯзи нахустини оғози даври дуюми омӯзишӣ, бо андешидани тамоми тадбирҳо вобаста ба пешгирӣ аз паҳншавии ҳамагуна бемориҳои сироятиву мавсимӣ ва риояи қоидаҳои санитарӣ-гигиенӣ, чун оини доимии низомиён ин чорабинии муҳим дар Дастгоҳи марказии Вазорати мудофиа, Ситоди генералии  Қувваҳои Мусаллаҳ, ҷузъу томҳои навъи қӯшунҳо ва қисму воҳидҳои алоҳидаи низомӣ бо сафороии ҳайати шахсӣ дар фазои тантанавӣ баргузор гардид. Масъулини вазорати мудофиа ва намояндагони навъҳои Қувваҳои Мусаллаҳ, ки сарпарастии бевоситаиҷузъу томҳоро бар уҳда доранд, дар ин чорабиниҳои ҷашнӣ, вобаста ба оғози даври дуюми таҳсил ширкат намуда, доир ба ҳадафу моҳияти дарсу машғулиятҳои омӯзишӣ баромад карданд ва ба ҳайати шахсӣ хониши аълоро орзунамуданд. Илова бар ин, дар чунин чорабиниҳо роҳбарони машғулиятҳо дар саҳни ҳавлии тамоми қисмҳои низомӣ ва дигар нуқтаҳои таълимӣ ашёву лавозимоти намунавии даври омӯзиширо дар назди ҳайати шахсӣ мегузоранд.

Ҳамзамон барои омӯзиши фанҳои дақиқи низомӣ тамоми нуқтаҳои таълимӣ ва синфхонаҳои тобистонаи қисмҳои ҳарбироба таври доимӣбо асбобҳои аёнии дарсӣ ва дигар дасгоҳу лавозимоти омӯзишӣ, ки ба иҷрои вазифаҳои ҳар як навъи қӯшун нигаронида шудаанд, муҷаҳҳаз менамоянд. Илова бар ин, дар қисмҳои низомӣ барои ташкилу баргузории машғулиятҳои назариявию амалии саҳроӣ, ки он мувофиқи нақша аз рӯи мавзӯъҳои омодагии ҷангӣ, тактикию тирандозӣ, муҳандисию оташфишонӣ, рондани техникаҳои вазнини зиреҳпӯши ҳарбӣ, дарсҳои тайёрии ҷамъиятӣ-давлатӣ ва маълумот бардоштан аз авзои сиёсии дохиливу бурунмарзӣ, ки ғайр аз вақтҳои истироҳатии сарбозон дар дигар рӯзҳо давоми 6 соат муқаррар шудааст, афсарони пуртаҷриба вобаста мегарданд. Рафти таълимоти фанҳои низомии ҳайати шахсӣ аз ҷониби ҳайатҳои роҳбариву фармондеҳии Вазорати мудофиа ва афсарони масъули навъҳои Қувваҳои Мусаллаҳ пайваста назорат карда мешаванд ва натиҷаи таълимот ва дониши андӯхтаи хизматчиёни ҳарбӣ зимни анҷоми даври муайяншудаи омӯзишӣ мавриди санҷиш қарор мегирад.

Бояд тазаккур дод, ки барои гузаронидани чунин машғулиятҳои намунавӣ вобаста ба оғози давраҳои омӯзишӣ дар Қувваҳои Мусаллаҳ, муовинони вазири мудофиа, сардорони раёсатҳои дахлдори ин ниҳоди қудратӣ,ҳар як фармондеҳи навъи қӯшун, командирони қисмҳои низомӣ ва афсарону сарбозони вобастаи ҷузъу томҳо, бо кумаку дастгирии роҳбарият ва хадамоти дахлдори Вазорати мудофиа тамоми кушишу ғайрати хешро ба он равона мекунад, то дар муддати як моҳе, ки барои тайёрӣ ба даври навбатии омӯзишӣ пешбини мешавад, тамоми шароитҳои зарурии таълимиро муҳайё созанд.

Дар ин замина, баҳри тақвият бахшидани донишу малакаи касбии низомиён, такмили маҳорати соҳавӣ ва сайқал додани таҷрибаи пешқадам дар самти пешбурди хизмати шабонарӯзии ҳайати шахсӣ, тамоми шароити хизмативу маишӣ, таълимиву фароғатӣ ва заминаҳои хуби моддиву техникӣ фароҳам оварда мешаванд.

 АКСҲО: Вазорати мудофиаи ҶТ

Июль 2, 2021 11:56

Хабарҳои дигари ин бахш

Кумитаҳои давлатии амнияти миллии Тоҷикистон ва Қирғизистон протоколи қатъи муноқишаи марзиро ба имзо расониданд
ҲАМЛАИ ТАҶОВУЗКОРОНАИ ҚИРҒИЗИСТОН. Коршинос дар бораи мусоҳибаи дирӯзаи Садир Жапаров изҳори назар кард ва оҳанги гуфтори ӯро «сиёҳ» хонд
ҲАМЛАИ ТАҶОВУЗКОРОНАИ ҚИРҒИЗИСТОН. Прокуратураи генералии Тоҷикистон нисбат ба гурӯҳи низомиён ва шаҳрвандони қирғиз парвандаи ҷиноятӣ оғоз кард
ҲАМЛАИ ТАҶОВУЗКОРОНАИ ҚИРҒИЗИСТОН. Дар шаклу шеваи бархӯрди кишвари ҳамсоя ҳадафу мақсадҳои дигар ниҳонанд,- Рустам Латифзода
«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд
ПРОТОКОЛ БА ИМЗО РАСИД. Мулоқоти навбатии гурӯҳҳои кории Тоҷикистон ва Қирғизистон баргузор гардид
ОҚИБАТИ ҲАМА ГУНА ҶАНГ СУЛҲ АСТ. Коршиноси масоили сиёсӣ Зубайдулло Давлатов ҳамлаи таҷовузкоронаи Қирғизистонро маҳкум сохт
ҲАМЛАИ ТАҶОВУЗКОРОНАИ ҚИРҒИЗИСТОН. Шаҳрвандони солимфикри қирғиз аз иқдомоти саркардагони ҳодисаҳои марзӣ розӣ нестанд
ҚАМЧИБЕК ТАШИЕВ КИСТ? Посухи дипломати тоҷик ба ин суол
ҲАМЛАИ ТАҶОВУЗКОРОНАИ ҚИРҒИЗИСТОН. Бо дастури Пешвои миллат барои табобати сокинон ва низомиёни дар муноқишаҳои марзӣ зарардида табибони варзида ҷалб гардиданд
ҲАМЛАИ ТАҶОВУЗКОРОНАИ ҚИРҒИЗИСТОН. Гурӯҳи корӣ дар Исфара теъдоди иншоот ва манзилҳои истиқоматии харобгаштаро муайян мекунад
ИТТИЛОИЯ. Дар бораи вазъ дар сарҳади Тоҷикистон ва Қирғизистон