Ли Сон Хо: Корея барои тақвияти ҳамкорӣ бо Тоҷикистон маблағгузориро зиёд менамояд

Октябрь 19, 2021 14:32

ДУШАНБЕ, 19.10.2021 /АМИТ «Ховар»/. Соли равон тиҷорати дуҷониба миёни Ҷумҳурии Тоҷикистон ва Ҷумҳурии Корея рушд карда бошад ҳам, ҳаҷми он бо назардошти муносибатҳои васеи ҷонибҳо моро қонеъ карда наметавонад. Чунин зикр намуд Вазири рушди иқтисод ва савдои ҷумҳурӣ Завқӣ Завқизода зимни мулоқот  бо муовини Вазири корҳои хориҷии Ҷумҳурии Корея оид ба масъалаҳои иқтисодӣ Ли Сон Хо, ки дар Тоҷикистон қарор дорад.

Тавре  АМИТ «Ховар» бо истинод ба Вазорати рушди иқтисод ва савдои кишвар иттилоъ медиҳад, Завқӣ Завқизода бо мақсади рушди ҳамкории тиҷоратию иқтисодӣ ва сармоягузории дуҷониба пешниҳод намуд, ки бо истифода аз иқтидорҳои зиёди мавҷуда дар минтақаҳои озоди иқтисодии Тоҷикистон бо ҷалби сармоягузории Корея корхонаҳои саноатии муштарак оид ба истеҳсоли маҳсулоти нассоҷӣ, алюминий, электрикӣ ва хӯрокворӣ таъсис, инчунин иштирок дар сохтмону таҷдиди иншооти энергетикӣ ва иқтисоди рақамӣ таъмин карда шаванд, ки аз ҷониби Корея ин таклиф хуш пазируфта шуд. Дар ин замина ҷониби Корея изҳор намуд, ки барои тақвияти ҳамкорӣ бо Ҷумҳурии Тоҷикистон маблағгузориро зиёд менамояд.

Бо дахли муносибатҳои ҳасанаи ду кишвар Завқизода зикр намуд, ки бо шарофати сиёсати дурандешонаи роҳбарони ҳарду давлат- Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Корея муҳтарам Мун Чжэ ҳамкории ду кишвар ба сатҳи сифатан нав баромадаанд.

Мулоқоти Завқӣ Завқизода  бо Ли Сон Хо  дар ҳошияи ҷаласаи чоруми Комиссияи байниҳукуматии Ҷумҳурии Тоҷикистон ва Ҷумҳурии Корея оид ба ҳамкории иқтисодӣ ва илмиву техникӣ баргузор гардид.

 Акс аз Вазорати руши иқтисод  ва савдои ҶТ

Октябрь 19, 2021 14:32

Хабарҳои дигари ин бахш

Сарвазири Тоҷикистон бо Директори генералии Бонки Осиёии рушд оид ба Осиёи Марказӣ ва Осиёи Ғарбӣ мулоқот намуд
Дар Душанбе масоили самаранокии низоми идоракунии давлатӣ ва волоияти қонун баррасӣ шуд
Миёни Ҳукумати Ҷумҳурии Тоҷикистон ва Корпоратсияи байналмилалии молиявӣ Созишномаи ҳамкорӣ ба имзо расид
Дар Тоҷикистон истеҳсоли картошка нисбат ба ҳамин давраи соли гузашта 144 ҳазор тонна зиёд гардидааст
МУЖДАИ ЗАФАР. Кишоварзони ноҳияи Кӯшониёни вилояти Хатлон нақшаи истеҳсоли пахтаро иҷро намуданд
Иля Федоров, директори департаменти Вазорати рушди иқтисоди ФР: Иқтидори тиҷоратии Русия ва Тоҷикистон ба тавре ки мебояд, истифода нашудааст
ИМРӮЗ — РӮЗИ БАЙНАЛМИЛАЛИИ САРФАИ ЭНЕРГИЯ. Коршиноси АМИТ «Ховар» мегӯяд, ки чаро он ба Тоҷикистон ин қадар зарур аст
Дар Душанбе Муколамаи миллии сатҳи баланд оид ба низоми озуқаворӣ дар Ҷумҳурии Тоҷикистон баргузор шуд
Вазири кишоварзии Тоҷикистон дар ноҳияи Мастчоҳ бо ҷараёни ҷамъоварии пахта ва коркарди он шинос гардид
Таҳкими ҳамкории Тоҷикистон ва Туркия дар бахши ҳифзи муҳити зист дар Глазго баррасӣ шуд
Дар Душанбе Форуми занони соҳибкор гузаронида мешавад
IFAD дар Тоҷикистон бо назардошти масъалаҳои иқлим лоиҳаи нав татбиқ менамояд