Ҳайати мақомоти гумруки Тоҷикистон дар Форуми байналмилалии гумрук-2021 иштирок намуд
ДУШАНБЕ, 26.10.2021 /АМИТ «Ховар»/. Ҳайати мақомоти гумруки Тоҷикистон таҳти роҳбарии Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода дар Форуми байналмилалии гумрук-2021, ки 21-22 октябр дар пойтахти Русия — шаҳри Москва доир гардид, иштирок намуд.
Аз Хадамоти гумруки назди Ҳукумати ҷумҳурӣ ба АМИТ «Ховар» иттилоъ доданд, ки дар ҷаласаи умумии Форуми байналмилалии гумрук-2021 Раиси Ҳукумати Федератсияи Русия Михаил Мишустин ба таври маҷозӣ ширкат намуда, онро ифтитоҳ кард ва иштирокдорони Форумро шодбош гуфт.
Форуми байналмилалии гумрук-2021 шуруъ аз соли 1999 ҳамасола гузаронида шуда, ба намояндагони мақомоти гумрук ва соҳибкорон имкон медиҳад, ки барои мубодилаи таҷриба, муҳокимаи ташаббусҳои нав дар фаъолияти иқтисоди хориҷӣ ва маъмурикунонии гумрукӣ дар фазои хуби корӣ гуфтушунид доир намоянд. Дар бахшу ҷаласаҳои Форуми байналмилалии гумрук-2021 масъалаҳои марбут ба таъсиси гумруки электронӣ, фаъолияти мақомоти гумрук дар шароити пандемияи COVID-19, гумруки зеҳнӣ, истифодаи технологияҳои информатсионӣ дар самти фаъолияти гумрукӣ баррасӣ гардиданд.
Дар доираи Форуми байналмилалии гумрук-21 миёни Хадамоти гумруки назди Ҳукумати Ҷумҳурии Тоҷикистон ва Кумитаи давлатии гумруки Ҷумҳурии Узбекистон «Илова ба Шартҳои техникии ҳамкорӣ дар самти мубодилаи маълумот байни Хадамоти гумруки назди Ҳукумати Ҷумҳурии Тоҷикистон ва Кумитаи давлатии гумруки Ҷумҳурии Узбекистон аз 4 октябри соли 2018» ба имзо расид.
Инчунин дар доираи Форуми байналмилалии гумрук-2021 Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо Сардори Шӯрои марказии андозҳои ғайримустақим ва гумруки Вазорати молияи Ҳиндустон, Роҳбари Хадамоти давлатии гумруки назди Вазорати иқтисод ва молияи Қирғизистон, муовини якуми Сардори Хадамоти федералии гумруки Федератсияи Русия, муовини якуми Кумитаи давлатии гумруки Узбекистон мулоқот намуд, ки зимни он масъалаҳои марбут ба таҳкими ҳамкории судманди гумрукӣ баррасӣ шуданд.
Аксҳо аз Хадамоти гумруки назди Ҳукумати ҶТ
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
