Дар Академияи идоракунии давлатӣ оид ба ҳифзи ҳуқуқу озодиҳои инсон конференсияи илмӣ-амалӣ доир шуд
ДУШАНБЕ, 04.12.2021 /АМИТ «Ховар»/. Бахшида ба Рӯзи байналмилалии муқовимат бо коррупсия ва Рӯзи ҳуқуқи инсон 3 декабр дар факултети дипломатия ва сиёсати Академияи идоракунии давлатии назди Президенти Ҷумҳурии Тоҷикистон конференсияи байналмилалии илмӣ-амалӣ таҳти унвони «Ҳуқуқи инсон дар ҷаҳони муосир: консепсияҳо, воқеият ва дурнамо» баргузор гардид. Дар ин бора аз Академияи идоракунии давлатӣ ба АМИТ «Ховар» хабар доданд.
Дар конференсия олимон, муҳаққиқони дохиливу хориҷӣ, омӯзгорон, магистрантон, докторантон, донишҷӯён ва кормандони Академияи мазкур иштирок намуданд.
Ноиби ректор оид ба таълими Академия Даврон Сафарзода баргузории чунин конференсияҳоро қадами муҳиму устувор дар роҳи таҳкими омода намудани мутахассисони варзида дар соҳаи дипломатия ва сиёсат арзёбӣ намуд.
Дар ҷараёни конференсия таҳкими ҳамкории Ҷумҳурии Тоҷикистон бо давлатҳои хориҷӣ дар масъалаи таъмини амнияту суботи минтақа бо мақсади эътироф, риоя ва ҳифзи ҳуқуқу озодиҳои инсон ва шаҳрванд, амнияту суботи байналмилалӣ, мубориза бар зидди терроризму экстремизми байналмилалӣ мавриди баррасӣ қарор дода шуд.
Дар фарҷом иштирокчиёни конференсия ба риоя ва ҳифзи ҳуқуқу озодиҳои инсон ва шаҳрванд дар Ҷумҳурии Тоҷикистон баҳои баланд дода, боло будани маърифати ҳуқуқии шаҳрвандонро дар кишвар тасдиқ намуданд.
Дар идома аъзои Кумитаи Созмони Милали Муттаҳид оид ба ҳуқуқҳои иқтисодӣ, иҷтимоӣ ва фарҳангӣ, профессор Аслан Абашидзе (дар шакли маҷозӣ), муовини якуми Вазири адлияи Ҷумҳурии Тоҷикистон, дотсент Нигина Ализода, роҳбари барномаи GIZ дар Тоҷикистон Штампе Фолкер, вакили Маҷлиси намояндагони Маҷлиси Олии Ҷумҳурии Тоҷикистон, профессор Ҷамшед Муртазозода, судяи суди иҷтимоии Ҷумҳурии Федералии Олмон, Волдемар Юшко (дар шакли маҷозӣ), профессори кафедраи ҳуқуқи ҷиноятӣ ва муқовимат бо коррупсияи Донишгоҳи миллии Тоҷикистон Тақдиршо Шарипов, муовини директори филиали Донишгоҳи давлатии Москва ба номи М.В. Ломоносов дар шаҳри Душанбе, профессор Азиз Диноршоҳ ва дигар олимону муҳаққиқони дохиливу хориҷӣ маърӯза намуданд.
АКСҲО: Академияи идоракунии давлатии назди Президенти ҶТ
ДАР ПАРТАВИ ҲИДОЯТҲОИ ПЕШВОИ МИЛЛАТ. Адибони тоҷик ба се ноҳияи вилояти Хатлон сафар намуданд
«ҲИФЗИ МЕРОСИ ТАЪРИХӢ-ВАЗИФАИ ҲАР ЯКИ МОСТ!». Таҳти чунин унвон озмуни ҷумҳуриявӣ доир мешавад
«САЙРИ ГУЛИ ЛОЛА». Дар шаҳри Бохтар беш аз 1 млн бех гулу бутта шинонида шуд
ТАСВИРИ ПИРЯХҲО ВА ОБҲО ДАР АСАРҲОИ РАССОМОНИ ТОҶИКИСТОН. Дар Осорхонаи миллӣ намоиш ифтитоҳ ёфт
ИМРӮЗ — РӮЗИ УМУМИҶАҲОНИИ ТЕАТР. Дар Тоҷикистон 22 театри халқӣ амал менамояд
Дар назди Театри мусиқӣ-мазҳакавии шаҳри Хоруғ студияи нави сабти суруд таъсис ёфт
«АЗ НАВРӮЗ ТО НАВРӮЗ». Таҳти чунин унвон дар Донишкадаи давлатии санъати тасвирӣ ва дизайн намоиши асарҳо ифтитоҳ гардид
Дар Наврӯз барои солимии бадан ғизои зарурӣ пешниҳод мегардад, ки оши бурида яке аз онҳост
ШОГУН БАҲОР МУБОРАК! Дар Бадахшон базми наврӯзии ҷавонон доир карда шуд
НАВРӮЗ — ҚИМАТТАРИН МЕРОСИ НИЁГОН. Мулоҳизаҳои мардумшинос дар бораи таҷлили он аз давраи Сосониён то соҳибистиқлолии Тоҷикистон
НАВРӮЗ БАРОБАРИ ҶАШНИ ИСТИҚЛОЛ АЗИЗ АСТ. Дар шаҳри Хоруғ базми пуршукуҳи наврӯзӣ доир гардид
Дар шаҳри Бохтар Наврӯз — ҷашни қадимии миллати тоҷикро хотирмон таҷлил намуданд
