Раҷаббой Аҳмадзода аз қисмҳои низомии шаҳрҳои Исфара ва Конибодом боздид намуд

Декабрь 25, 2021 09:34

ДУШАНБЕ, 25.12.2021 /АМИТ «Ховар»/. 23 декабр Раиси вилояти Суғд Раҷаббой Аҳмадзода зимни сафари корӣ аз якчанд қисмҳои низомии шаҳрҳои Исфараю Конибодом боздид намуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Раиси вилоят дар суҳбат бо хизматчиёни ҳарбӣ иброз дошт, ки Қувваҳои мусаллаҳи мамлакат дар солҳои соҳибистиқлолӣ ба неруи бузурги мудофиавӣ табдил ёфта, қодиранд марзу бум ва манфиатҳои давлату миллатро ҳимоят кунанд.

“Ҷавонмардони шуҷову далер ва фарзандони қаҳрамони Ватан, ки марзҳои давлати моро ҳифз менамоянд, ҳомиёни халқу давлат буда, дар хатти пеши мудофиа қарор доранд. Хизматчиёни ҳарбӣ хуб дарк мекунанд, ки мардум ба онҳо боварии комил дорад ва онҳо низ сарбаландона аз иҷрои вазифаҳо мебароянд”,-афзуд Раҷаббой Аҳамадзода.

Ҳамзамон Раиси вилоят  бо ёдоварӣ аз Паёми имсолаи Президенти мамлакат муҳтарам Эмомалӣ Раҳмон таъкид намуд, ки аз 1 январи соли 2022 музди меҳнати амалкунандаи хизматчиёни ҳарбӣ, кормандони мақомоти ҳифзи ҳуқуқ 25 фоиз ва дигар кормандони ин мақомот 20 фоиз зиёд карда мешавад. Раиси вилоят ҳамзамон нуктаҳои муҳимтарини Паёми Сарвари давлатро шарҳу тавзеҳ дода, иброз дошт, ки бо супориши Пешвои миллат ба масъалаҳои мунтазам беҳтар кардани шароити хизмат ва зиндагии афсарону сарбозон, аз лиҳози техникиву таҷҳизот навсозӣ кардани Қувваҳои мусаллаҳ ва махсусан Қӯшунҳои сарҳадӣ, ташкили дурусти ҳайати захираҳои даъвати сафарбарӣ, бо лавозимоту таҷҳизот таъмин кардан, баланд бардоштани сатҳи касбӣ ва омодабошии онҳо эътибори аввалиндараҷа дода хоҳад шуд.

Сипас, барои хизматчиёни ҳарбии қисмҳои низомӣ дастархони идона ороста шуда, туҳфаҳои солинавии роҳбари вилоят супорида шуданд.

Ҳамзамон Раиси вилояти Суғд Раҷаббой Аҳмадзода  аз қисмҳои ҳарбии мустақар дар шаҳри Конибодом, аз ҷумла дидбонгоҳи сарҳадии “Санҷидзор”-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва комендатураи Қӯшунҳои сарҳадии КДАМ Ҷумҳурии Тоҷикистон боздид намуда, хизматчиёни ҳарбиро аз номи Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои мусаллаҳ муҳтарам Эмомалӣ Раҳмон бахшида ба Соли нави мелодӣ табрик гуфт.

Раиси вилоят дар суҳбат бо ҳайати шахсӣ ва афсарону сарбозон изҳор  кард, ки Қувваҳои мусаллаҳи Ҷумҳурии Тоҷикистон аз имтиҳонҳои сангини таърихӣ гузашта, имрӯз бо дастгирӣ ва ғамхориҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар муҳтарам Эмомалӣ Раҳмон ба неруи пурқудрати мудофиавӣ табдил ёфтаанд. Дар қисмҳои низомӣ барои буду боши сарбозону афсарон тамоми шароити зарурӣ муҳайё гардида, диловарони Ватан бо ҳисси баланди ватандӯстӣ ва ифтихор аз Тоҷикистони соҳибистиқлол хизматро адо намуда истодаанд.

Раҷаббой Аҳмадзода бо ёдоварӣ аз Паёми имсолаи Президенти мамлакат иброз дошт, ки мақомоти иҷроияи ҳокимияти давлатии вилоят минбаъд ҳам барои беҳтар шудани шароити хизмат дар қисмҳои ҳарбӣ тадбирҳои зарурӣ меандешад.

Дар ин рӯз барои афсарону сарбозони дидбонгоҳи сарҳадии “Санҷидзор” ва комендатураи Қӯшунҳои сарҳадии КДАМ Ҷумҳурии Тоҷикистон дастурхони идона ороста шуда, туҳфаҳои солинавии роҳбари вилоят супорида шуданд.

АКСҲО: Хадамоти матбуоти Раиси вилояти Суғд

Декабрь 25, 2021 09:34

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»