Вазири кишоварзии Тоҷикистон дар ҳамоиши дуюми Авруосиё иштирок намуд

Декабрь 3, 2021 10:32

ДУШАНБЕ, 03.12.2021 /АМИТ «Ховар»/. 2 декабр дар шаҳри Москваи Федератсияи Русия ҳамоиши дуюми Авруосиё баргузор гардид, ки дар он Вазири кишоварзии Ҷумҳурии Тоҷикистон Сулаймон Зиёзода ба таври маҷозӣ иштирок ва суханронӣ намуд, иттилоъ доданд аз Вазорати кишоварзиии мамлакат ба АМИТ «Ховар».

Ҳамоиши дуюми Авруосиё бо ташаббуси Бонки авруосиёи рушд доир гардида, дар он  Вазири кишоварзии Ҷумҳурии Қирғизистон, Вазири рушди иқтисоди Ҷумҳурии Арманистон, муовинони вазири кишоварзии ҷумҳуриҳои Беларус, Қазоқистон ва Федератсияи Русия, муовини директори генералии Созмони озуқаворӣ ва кишоварзии СММ ва коршиносони бахши хусусӣ иштирок карда, сухан гуфтанд.

Дар ҷараёни ҳамоиш тарафҳо масъалаҳои таъмини амнияти озуқаворӣ, механизми ягонаи транзитии молу хизматрасонӣ дар қаламрави Иттиҳоди иқтисодии Авруосиё ва ҷумҳуриҳои Тоҷикистон ва Узбекистон, фаъолияти системаи нақлиётию логистикии маҳсулоти озуқаворӣ, дурнамои таъсис ва нақши шабакаи ягонаи муосири таҳвили маҳсулоти кишоварзиро баррасӣ намуданд.

Вазири кишоварзии Ҷумҳурии Тоҷикистон Сулаймон Зиёзода ҷонибдории хешро доир ба масъалаҳои рӯзнома иброз намуда, оид ба таъсиси ҳавзаи истеҳсолкунандагони маҳсулоти кишоварзӣ, содиркунандагон, воридкунандагон, харидорон ва ширкатҳои логистикӣ, афзоиши ҳаҷми муомилоти молу маҳсулот миёни кишварҳои Иттиҳоди иқтисодии Авруосиё ва дар сатҳи боз ҳам баланд ба роҳ мондани ҳамкорӣ пешниҳодҳо ироа намуд.

АКСҲО: Вазорати кишоварзии ҶТ

Декабрь 3, 2021 10:32

Хабарҳои дигари ин бахш

«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
Дар ноҳияи Шаҳринав намоиши техникаи кишоварзӣ гузаронида шуд
Дар хоҷагиҳои деҳқонии Конибодом кишти чигит оғоз ёфт
Дар Бонки миллии Тоҷикистон Наврӯзро чун арзиши олии башарӣ таҷлил намуданд
«НАВРӮЗ-МЕРОСИ ФАРҲАНГИЮ САЙЁҲӢ». Пагоҳ дар Душанбе фестивали байналмилалӣ баргузор мешавад
Тоҷикистон дар Намоишгоҳи байналмилалии сайёҳии «MITT – 2023» иқтидори сайёҳии худро муаррифӣ намуд
Намояндагони Тоҷикистон дар Симпозиуми гуногунии биологӣ дар Чин иштирок менамоянд
Имрӯз вохӯрии роҳбарони мақомоти сайёҳии давлатҳои узви Созмони ҳамкории Шанхай доир шуд
Дар Хатлон Фонди дастгирии соҳибкорӣ ва телефони боварӣ барои муроҷиати соҳибкорон ташкил карда мешавад
Пулҳои коғазии намуна ва барориши соли 2022 ба муомилот бароварда мешаванд