Рассомони ҷавони озарбойҷонӣ дар нигораҳои худ табиат ва манзараҳои таърихии Тоҷикистонро инъикос мекунанд
ДУШАНБЕ, 24.06.2022 /АМИТ «Ховар»/. Бо ташаббуси Сафорати Тоҷикистон дар Озарбойҷон ва дар ҳамкорӣ бо Иттифоқи рассомони Озарбойҷон бахшида ба Рӯзи Ваҳдати миллӣ ва 30-солагии истиқрори муносибатҳои дипломатӣ миёни Тоҷикистон ва Озарбойҷон намоиши мусавввараҳои рассомони ҷавони озарбойҷонӣ таҳти унвони «Робитаҳои фарҳангии Тоҷикистон ва Озарбойҷон аз насл ба насл» баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар намоишгоҳ, ки дар Маркази Ҳайдар Алиев баргузор гардид, беш аз 70 мусаввара ба тамошо гузошта шуд, ки зебоии нотакрори табиат ва манзараҳои таърихии Тоҷикистонро инъикос мекунанд.
Сафири Ҷумҳурии Тоҷикистон дар Озарбойҷон Рустам Солӣ зикр намуд, ки доир гардидани чунин маъракаҳои фарҳангӣ барои боз ҳам равнақ ёфтани муносибатҳои дўстона миёни ду кишвар мусоидат менамояд ва ў ба кулли ширкаткунандагон барои иштироки фаъолонаашон дар чорабинӣ изҳори сипос кард.
Дар маросими ифтитоҳи намоишгоҳ Раиси ноҳияи Ясамал Элшод Гасанов, Директори Маркази Ҳайдар Алиеви ноҳия Ясамали шаҳри Боку Намине Умарова, роҳбарон ва намояндагони сафоратҳои муқими шаҳри Боку, намояндагони воситаҳои ахбори омма ва аҳли ҷомеа ширкат варзиданд.
Акс: ВКХ ҶТ
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
