«САДОИ АДИБОНИ ДУНЁ ДАР ВАСФИ ТОҶИКИСТОН». Таҳти ин ном маҷмӯаи хотироти адибони ҷаҳон бо забони асл ва дар тарҷумаи тоҷикӣ ба нашр расид

Июнь 24, 2022 14:25

ДУШАНБЕ, 24.06.2022 /АМИТ «Ховар»/. «Садои адибони дунё дар васфи Тоҷикистон» —  таҳти чунин унвон намунаи асарҳои адибони ҷаҳон бо забони асл ва дар тарҷумаи тоҷикӣ ба нашр расид. Дар ин бора муаллиф ва мураттиби ин китоб Абдуқаҳҳори ҚОСИМ ба АМИТ «Ховар» иттилоъ дод.

Маҷмӯа ба муносибати 30-солагии Истиқлолияти  давлатии Ҷумҳурии Тоҷикистон дар ҳаҷми 408 саҳифа ба нарш расид. Дар он осори назмиву насрӣ, мақолаҳои илмию оммавӣ ва хотироти 57 нафар эҷодкорон Русия, Қазоқистон, Қирғизистон, Эрон, Узбекистон, Озарбойҷон, Курдистон, Амрико, Олмон, Колумбия, Непал, Лаҳистон, Чин, Мекиска, Канада,  Покистон, Дания, Эквадор, Нигерия, Индонезия, Юнон,  Панама, Ҳиндустон, Испания, Сербия, Бангладеш, Бразилия, Туркия, Беларус, Молдова ва ғайраҳо ҷой дода шудаанд.

«Китоб бо дастгирии моддию маънавии муовини якуми Раиси ҲХДТ Абдуҷаббор Азизӣ ба нашр расид, — гуфт дар суҳбат бо мо  Абдуқаҳҳори Қосим. — Дар ин маҷмӯа меҳрномаи адибони ҷаҳон дар васфи Тоҷикистон ҷамъоварӣ шудааст ва ин меҳру муҳаббат самараи    сиёсати хирадмандонаи Асосгузори сулҳу ваҳдати миллӣ, Пешвои миллат  муҳтарам Эмомалӣ Раҳмон ва ҳамкориҳои судманди мо бо адибони дунё мебошад. Китоби мазкур метавонад дар баланд бардоштани ифтихори ватандории ҳар як шаҳрванди мамлакат, бахусус наврасону ҷавонон нақши боризе дошта бошад».

Бояд  зикр намуд, ки дар баргардонидани ин маҷмӯа тарҷумонҳо Абдуқаҳҳори Қосим, Султонмуроди Одина, Камолиддин Бобоев, Ҳайбатулло Шодиев ва Нодира Собирзод саҳм гузоштаанд. Муҳаррирон он Бахтиёр Ҳамдамов, Сантош Кумар аз Непал ва Екатерина Володина аз Русия мебошанд.

                                                              Фирӯза ДАВЛАТЗОДА,
АМИТ «Ховар»

  АКС: АМИТ «Ховар»

 

МАЪЛУМОТНОМАИ АМИТ «ХОВАР»

Абдуқаҳҳори Қосим 27 январи соли 1965 дар ноҳияи Вахши вилояти Хатлон таваллуд шуда, ҳоло дар шаҳри Турсунзода зиндагӣ мекунад. Дорои маълумоти олӣ – педагогӣ мебошад. Солҳои 1983 — 1985 дар сафи Қувваҳои Мусаллаҳи ИҶШС хидмат кардааст. Ӯ муассис ва роҳбари клуби адабии «Ворисони Турсунзода» ва филиали Иттифоқи нависандагони Тоҷикистон дар шаҳри Турсунзода буда, ҳамчунин сардабирии рӯзномаи маҳаллии «Ҳидоят»-и Ҳизби Халқии Демократии Тоҷикистонро бар дӯш дорад.

Абдуқаҳҳори Қосим бо забонҳои тоҷикӣ ва русӣ шеър менависад. Ӯ муаллифи китобҳои «Алифбои шавқовар», «Бешаи анбӯҳи андеша», «Садои Дил», «Ворисон», «Сарзамини сабзи хотира» ва дигарон мебошад. Намунаи ашъораш ҳамчунин дар маҷмӯаҳои «Номҳои нав дар адабиёт» («Новые имена в литературе»), «Маҷмӯаи финалистони озмуни байналмилалии ба номи Ф. Тютчев» («Сборник финалистов Международного конкурса имени Ф. Тютчева»), «Маҷмӯаи Ялос-2017» («Сборник Ялос-2017»), «Автограф», «Россияи ман-2016» («Русь моя-2016»), «Зангӯлаи русӣ» («Российский колокол»), «Дебют-2016» чоп   шудааст.

Шеърҳои Абдуқаҳҳори Қосим дар раслонаҳо ва маҷаллаҳои ватанию хориҷӣ ба табъ расидаанд: World News of China, «Atunis Galaxy Poetry» — Албания, «Science Guide» — Чин, маҷаллаи «World Poetic Circles» — Чин, маҷаллаи Черниговшина Украина, маҷаллаи мактуб Русия, хабаргузории АМИТ «Ховар», нашрияи расмии Тоҷикистон «Ҷумхурият» ва ғайраҳо ба нашр расидаанд.

Ҳамчунин асарҳои ӯ ба забонҳои англисӣ, испанӣ, чинӣ, фаронсавӣ, олмонӣ, арабӣ, сербӣ, хорватӣ, украинӣ, ҳиндӣ, непалӣ, банголӣ, пашту, урду, полякӣ, португалӣ, туркӣ, озарбойҷонӣ, форсӣ, туркманӣ, қирғизӣ ва дигар забонҳо тарҷума шудаанд.

Узви Иттифоқи нависандагони Тоҷикистон, ҳамоҳангсози Шӯрои байналмилалии Иттифоқи байналмилалии нависандагон, номзад ба ҷоизаи миллии адабии «Шоири сол – 2016», номзад ба ҷоизаи адабии ба номи Сергей Есенин-2016, номзад ба ҷоизаи «Мерос»-2017-и Озмуни байналмилалии ба номи Ф. Тютчев, дорандаи дипломи Фестивали байналмилалии кушоди мусиқӣ ва адабии «Ялос-2017-2018» ба номи Лев Болдов» мебошад.

АКС: АМИТ «Ховар»

Июнь 24, 2022 14:25

Хабарҳои дигари ин бахш

«Пайравони Камолиддини Беҳзод. Миниатюраи тоҷик». Таҳти чунин унвон дар Осорхонаи миллии Тоҷикистон намоиш ифтитоҳ гардид
«Эҳёи ҳофизаи таърих. Аз ҷонбозиҳои устод Айниву аллома Ғафуров то шоҳкориҳои Пешвои миллат», — шарҳи матбуоти даврии Тоҷикистон
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
«МАН БА САФАР МЕБАРОЯМ!». Манижа Сангин дар Душанбе консерти калон барпо мекунад
ДАРГУЗАШТИ ШОИРИ ШАҲИР ҲУШАНГ СОЯ. Абдулҳамид Самад ӯро аз намояндагони насли шоирони номвари дунёи форсизабон хонд
Дар Узбекистон барои ташкили шабакаи иҷтимоии миллӣ озмун эълон гардид
«ТОҶИКИСТОН-ВАТАНИ АЗИЗИ МАН». 57 нафар довталабон аз Суғд дар даври ниҳоии озмуни ҷумҳуриявӣ иштирок мекунанд
«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд

Маводҳои таҳлилӣ