«БИАТЛОНИ ТАНКӢ». Тоҷикистон мақоми сеюмро касб кард

Август 26, 2022 12:51

ДУШАНБЕ, 26.08.2022 /АМИТ «Ховар»/. Тоҷикистон дар «Биатлони танкӣ», ки дар чаҳорчӯби Бозиҳои VIII байналмилалии артиш (АрМИ-2022) дар тамрингоҳи «Алабино»-и вилояти Москва баргузор шуд, мақоми сеюмро касб кард, иттилоъ медиҳад АМИТ «Ховар» бо истинод ба агентии «Sputnik»-и Русия.

Экипажҳои Точикистон, ки дар дивизиони дуюм баромад карданд, вазифаҳои худро дар зарфи 1 соату 43 дақиқаю 28 сония ба иҷро карданд. Маҳорати хизматчиёни ҳарбӣ, идоракунии боэътимоди техникаи ҳарбӣ ва талоши пирӯзӣ ба даста кӯмак кард, ки медали биринҷӣ гирад.

Дар мусобиқа ҷумҳуриро се экипаж намояндагӣ кард, ки ҳар кадоми онҳо аз се нафар: командири танк, тупчи-оператор ва ронанда иборат буд.

Дар маросими ботантана медалу мукофотҳоро сардовари Бозиҳои байналмилалии артиш генерал-полковник Александр Лентсов супурд.

Ҷойи дуюм насиби Сурия шуд. Экипажи ин мамлакат масофаро дар зарфи 1 соату 40 дақиқаю 59 сония тай кард.

Дастаи Мянмар барандаи мусобиқаи «Биатлони танкӣ» дар дивизиони дуюм гардид. Ба ҳарбиёни ин кишвар муяссар шуд, ки ин масофаро дар 1 соату 36 дақиқаю 25 сония тай намоянд.

Мусобиқа ду ҳафта давом кард, ки дар он хизматчиёни ҳарбии 21 мамлакат иштирок доштанд.

Ёдовар мешавем, ки соли 2021 дастаи Тоҷикистон соҳиби медали нуқра гардида буд.

Вазорати мудофиаи ФР ҳамасола мусобиқаи «Биатлони танкӣ»-ро доир менамояд. Мусобиқа ба рушди ҳамкории низомӣ ва таҳкими иттиҳоди ҷангии қувваҳои мусаллаҳи кишварҳои иштирокчӣ равона шудааст.

Марҳилаи байналмилалии бозиҳо аз соли 2015 инҷониб ташкил карда мешавад. Он аз пойгаи инфиродӣ ва эстафета иборат мебошад.

АКС: «Sputnik

Август 26, 2022 12:51

Хабарҳои дигари ин бахш

БА МУНОСИБАТИ 30-СОЛАГИИ ТАЪСИСЁБИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Ҳувияти миллию ватандӯстӣ баландтарин арзиш барои миллати тоҷик аст
23 ФЕВРАЛ РӮЗИ ТАЪСИСЁБИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. То 23 феврал 57 бинову иншооти дорои аҳамияти ҳарбӣ ба истифода дода мешавад
Дар асоси супориши Президенти Ҷумҳурии Тоҷикистон Эмомалӣ Раҳмон 50 нафар наҷотдиҳандагон ба Туркия мераванд
Тоҷикистон наҷотдиҳандагонро барои расонидани кумак ба мардуми зарардидаи Туркия мефиристад
Дар Тоҷикистон соли 2022 беш аз 200 тонна маҳсулоти пастсифат ва ба саломатӣ зараровар нобуд карда шуд
Дар Тоҷикистон шумораи нашъамандон нисбат ба солҳои қаблӣ коҳиш ёфт
Дар Душанбе маросими ҷоизасупорӣ ва ҳавасмандгардонии варзишгарони Вазорати мудофиа доир гардид
НИШАСТИ МАТБУОТӢ. Дар Тоҷикистон таъсири сардиҳо ба хоҷагии қишлоқ, маҳсулоти кишоварзӣ ва чорводорӣ бе асар намонд
Барои риоя накардани қоидаҳои бехатарии саноатӣ шахсони масъул беш аз 1 миллион сомонӣ ҷарима баста шуданд
Дар пойгоҳи Донишкадаи ҳарбӣ масъалаи рушди илми низомӣ баррасӣ карда шуд
БЕМАСЪУЛИЯТИИ ВОЛИДАЙН. Дар Душанбе давоми чор сол аз ноболиғону наврасон шумораи зиёди силоҳи сард мусодира гардид
Сарбозони шаҳри Бӯстон ҳамсолони худро ба ҳимояи марзҳои муқаддаси Ватан даъват намуданд

Маводҳои таҳлилӣ