Дар Қирғизистон нишасти коршиносони вазоратҳои корҳои дохилии кишварҳои ИДМ доир гардид
ДУШАНБЕ, 12.08.2022 /АМИТ «Ховар»/. Дирӯз, 11 август дар Қирғизистон ҷаласаи коршиносони вазоратҳои корҳои дохилии кишварҳои узви ИДМ оид ба омодагӣ ба ҷаласаи дарпешистодаи Шӯрои вазирони корҳои дохилӣ (ШВКД), ки дар шаҳри Чолпон-Ата аз 7 то 9 сентябри соли 2022 баргузор мегардад, доир гардид, хабар медиҳад АМИТ «Ховар» бо истинод ба хадамоти матбуоти Вазорати корҳои дохилии Ҷумҳурии Қирғизистон.
Дар ҷаласа намояндагони вазоратҳои корҳои дохилии Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Узбекистон, инчунин намояндагони Бюрои ҳамоҳангсозии мубориза бо ҷиноятҳои муташаккил ва дигар намуди ҷиноятҳои хавфнок дар ҳудуди кишварҳои ИДМ (БҲМҶМ) ширкат намуданд.
Нишастро муовини аввали Вазири корҳои дохилии Ҷумҳурии Қирғизистон, полковники милитсия Адилбек Бийбосунов оғоз намуда, зикр намуд, ки ҷаласаи дар пешистодаи Шӯрои вазирони корҳои дохилии ИДМ дар нақша аст, ки бори нахуст аз замони оғози пандемияи COVID-19 ба таври ҳузурӣ доир карда шавад.
«Мо аҳамияти баргузории ин чорабиниро барои роҳбарони мақомоти корҳои дохилӣ/полиси давлатҳои ИДМ хуб дарк мекунем, зеро дар он бо мақсади таҳияи стратегияи ягонаи мубориза бар зидди ҷиноятҳои фаромарзӣ, мубориза бар зидди маводи мухаддир, ҷинояткории муташаккил ва дигар намудҳои ҷиноятҳои дар қаламрави кишварҳои мо мавҷуда тадбирҳо андешида мешаванд», — гуфт Адилбек Бийбосунов.
Ӯ инчунин зикр намуд, ки ШВКД ИДМ нақши амиқе дар созмондиҳии сулҳу субот дорад. Мавқеи мазкур дар пасманзари ҷаҳонишавӣ, ки бо чолишҳо ва таҳдидҳои муосир муборизаи муштарак бурдан зарур меояд, собит карда мешавад.
Нишасти ҳозираи якҷояи коршиносҳо дар самти омода кардан ва инкишоф додани шаклҳои ташкилии ҳамкорӣ дар соҳаи пешгирӣ ва мубориза бар зидди ҷинояткорӣ дар қаламрави кишварҳои ИДМ як қадами дигар ба шумор меравад.
Дар ҷараёни нишаст коршиносон лоиҳаҳои ҳуҷҷатҳои ба баррасии ҷаласаи навбатӣ пешниҳодшударо аз назар гузаронида, бо назардошти пешниҳодҳои воридгардида онҳоро ба итмом расониданд.
АКС: kginform.com
Дар шаҳри Душанбе Рӯзи милитсияи тоҷик таҷлил карда шуд
Дар Вилояти Мухтори Кӯҳистони Бадахшон Рӯзи милитсияи тоҷик таҷлил карда шуд
Дар Бригадаи ҳамлаовари десантӣ-зарбавӣ савгандёдкунии наваскарон доир гардид
Дар Рашт ва Нуробод бахшида ба Рӯзи милитсияи тоҷик ҷамъомадҳои тантанавӣ доир шуданд
Бахшида ба Рӯзи кормандони милитсия дар Панҷакент ҷамъомади тантанавӣ баргузор гардид
Дар Душанбе бинои нави Ҳушёрхонаи тиббии Раёсати Вазорати корҳои дохилӣ ба истифода дода шуд
Байни Шурои ҷумҳуриявии «Динамо»-и Тоҷикистон ва Федератсияи Русия созишнома ба имзо расид
Дар Хатлон бахшида ба қабули Конститутсияи Тоҷикистон ва Рӯзи милитсияи тоҷик паради ҳарбӣ ва ҳамоиши идона доир гардид
Дар «Кохи афсарон»-и Вазорати мудофиаи Тоҷикистон бахшида ба Конститутсия конфронси ҷумҳуриявӣ доир шуд
ДАР МИНТАҚАҲОИ КӮҲИИ ТОҶИКИСТОН БАРФ БОРИД. Ронандагон низоми суръат ва масофаи муқарраршудаи байни мошинҳоро қатъиян риоя намоянд!
Дар Остона ҳолат ва дурнамои ҳамкории зиддикоррупсионии Тоҷикистон ва Чин баррасӣ шуд
Ҳайати Тоҷикистон дар конфронси якуми солонаи аъзои Платформаи минтақавӣ дар Остона иштирок намуд
