Дар Тошканд форуми илмӣ-коршиносии СҲШ оид ба амнияти иттилоотӣ доир мегардад
ДУШАНБЕ, 31.08.2022 /АМИТ «Ховар»/. 6 сентябр дар Тошканд таҳти раёсати Узбекистон ҳамоиши илмӣ-коршиносии Созмони ҳамкории Шанхай оид ба амнияти иттилоотӣ баргузор мешавад. Дар ин бора муовини директори Институти тадқиқоти стратегӣ ва байниминтақавии назди Президенти Узбекистон Бобур Усмонов рӯзи гузашта зимни нишасти матбуотӣ хабар дод, иттилоъ медиҳад АМИТ «Ховар» бо истинод ба хабаргузории Агентии иттилоотии «Дунё»-и Вазорати корҳои хориҷии Ҷумҳурии Узбекистон.
Интизор меравад, ки дар ҳамоиш доираи васеи масъалаҳо, аз ҷумла, ҳамкорӣ дар мубориза бо таҳдидҳои дар фазои иттилоотӣ мавҷуда, таъмини ҳуқуқи инсон дар заминаи мубориза бо таҳдидҳои киберӣ, тавсеаи нақши СҲШ ва таҳкими ҳамкорӣ миёни давлатҳо дар ин самт баррасӣ шаванд.
Зикр карда мешавад, ки муҳимият ва аҳамияти баргузории чорабинӣ дар он аст, ки сарфи назар аз талошҳои кишварҳо, шиддат гирифтани таҳдидҳо ба амнияти иттилоотӣ, аз ҷумла афзоиши фаъолияти гурӯҳҳои ифротӣ ва террористӣ дар фазои маҷозӣ то ҳол ба назар мерасад. Дар солҳои 2018-2021 аз ҷониби кишварҳои СҲШ дастрасӣ ба беш аз 500 000 манбаи интернетии террористӣ маҳдуд карда шуд.
«Ҳамоиши коршиносӣ ба қабули тадбирҳои ҳамоҳангшуда ва мукаммал дар соҳаи амнияти иттилоотӣ шароит фароҳам оварда, имкон медиҳад, ки самаранокии корҳоро дар ин самт дар доираи давлатҳои СҲШ ба таври назаррас афзоиш диҳем»,-афзуд муовини директори институт Б. Усмонов
Ҳамоиши мазкур дар доираи татбиқи амалии ташаббуси Президент Шавкат Мирзиёев, ки 17 сентябри соли 2021 дар ҷаласаи Шӯрои сарони давлатҳои аъзои СҲШ дар Душанбе ба миён гузошта шуд, ташкил гардид.
Дар форум Дабири кулли СҲШ Чжан Минг, директори Кумитаи иҷроияи СҲШ Руслан Мирзоев, инчунин коршиносони пешбари вазорату идораҳои дахлдор, доираҳои илмӣ, академикӣ ва таҳлилии кишварҳои узви ин созмон, аз ҷумла аз Қирғизистон иштирок менамоянд.
АКС аз манбаъҳои боз
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
