САДАМАҲОИ МАРГОВАР. Дар шаш моҳ бар асари онҳо дар Тоҷикистон 180 нафар ба ҳалокат расидаанд
ДУШАНБЕ, 16.08.2022 /АМИТ «Ховар»/. Дар шаш моҳи соли равон дар натиҷаи 482 (2021-472) садамаҳои роҳу нақлиётӣ 180 нафар шаҳрвандон ба ҳалокат расида, 509 (2021-537) тан ҷароҳат бардоштаанд. Дар ин бора Вазири корҳои дохилии Тоҷикистон, генерал-полковник Рамазон Раҳимзода зимни нишасти матбуотӣ оид ба ҷамъбасти натиҷаҳои фаъолияти мақомоти корҳои дохилӣ дар шаш моҳи соли 2022 иттилоъ дод.
Тавре маркази матбуоти ВКД Ҷумҳурии Тоҷикистон хабар дод, 14 августи соли равон, тахминан соати 23:30, ронандаи мошини тамғаи «Тойота Камри» Ғуломов Меҳроҷиддин, соли таваллудаш 1998, сокини ноҳияи Рӯдакӣ, ҳангоми ҳаракат аз шаҳри Душанбе ба самти шаҳри Ҳисор, дар ҳудуди деҳаи Меҳробод бехатарии ҳаракат дар роҳро таъмин накарда, шаӽрванд Расулова Манижа, соли таваллудаш 1995, сокини шаҳри мазкурро ҳамроҳ бо фарзандони хурдсолаш, Хуҷаев Абдумуслим, соли таваллудаш 2017 ва Ҳуҷаев Абдулло, соли таваллудаш 2022 пахш намудааст.
Мутаассифона, дар натиҷаи ин ҳодисаи нохуш Расулова М.Ҷ. ҷароҳатҳои гуногуни ҷисмонӣ бардошта, дар ҷойи ҳодиса ва фарзандони ноболиғаш дар беморхона ба ҳалокат расидаанд.
Ӽамзамон 14 августи соли 2022, тахминан соати 13:00, ронандаи мошини тамғаи «Опел-Астра» Назирзода Рамазон Абдуқаюм, соли таваллудаш 2003, сокини ноҳияи Кӯшониён, ҳангоми ҳаракат дар кӯчаи Зебунисои ноҳияи Данғара бехатарии ҳаракат дар роҳро риоя карда натавониста, чароғаки роҳнаморо бо ранги сурх гузашта, дар миёнаи чорроҳа аввал ба мошини тамғаи «Опел-Астра», таҳти идораи Назаров Далер, соли таваллудаш 1988, сокини ноҳияи мазкур бархӯрда, сипас ба мошини тамғаи «Тойота-Камри», таҳти идораи Фатҳиддинов Фирузҷон Каримович, соли таваллудаш 1986, сокини ӽамин ноӽия бархӯрдааст.
Дар натиҷа мусофирони мошини тамғаи «Опел-Астра» Саидова Чиндагул, соли таваллудаш 1962 ва Саидова Дастагул, соли таваллудаш 1960, сокинони ноӽияи Данғара ҷароҳатҳои гуногуни ҷисмонӣ бардошта, дар беморхона ба ҳалокат расидаанд ва Саидова Гулнора, соли таваллудаш 1985 бо ҷароҳатҳои гуногуни ҷисмонӣ дар беморхона бистарӣ гардидааст.
Тафтиши ин ҳодисаҳо идома дорад.
Кормандони Раёсати БДА ВКД ҶТ ба ронандагон ва пиёдагардон хотиррасон мекунанд, ки талаботи қоидаҳои ҳаракат дар роҳро қатъиян риоя намоянд.
Ронандагон бояд дар хотир дошта бошанд, ки аз ҳаракати онҳо ҳаёт ва саломатии иштироккунандагони ҳаракат дар роҳҳои атроф вобастагии зиёд дорад.
Пиёдагардҳо набояд аз қитъаи роҳ дар ҷои номумкин гузаранд. Дар либос мебояд унсурҳои инъикоскунандаеро истифода бурд, то имкон диҳад, ки дар шом ва дар шароити нокифоягии нури рӯшноӣ намоёнтар шавад.
Дар хотир дошта бошед, ки ҳаёти шумо ва дигар иштирокчиёни ҳаракат дар роҳ аз рафтори худи шумо дар кӯча ва роҳ вобаста аст.
АКС аз бойгонӣ
ДАЪВАТИ ТИРАМОҲӢ.Ҷамоатҳои деҳоти Ворух ва Чоркӯҳи шаҳри Исфара нахустин шуда, даъвати ҳарбиро иҷро намуданд
ДАЪВАТИ ТИРАМОҲӢ. Ноҳияҳои минтақаи Рашт дар рӯзи аввал маъракаи даъвати ҳарбиро зиёда аз 100 фоиз ба анҷом расониданд
ДАЪВАТИ ТИРАМОҲӢ. Имрӯз дар Душанбе Рӯзи даъватшаванда доир гардид
ДАЪВАТИ ТИРАМОҲӢ. Дар Бадахшон маъракаи даъвати ҷавонписарон ба хизмати ҳарбӣ дар рӯзи аввал ба анҷом расид
БА ЗИММАИ ТУ МАСЪУЛИЯТИ БУЗУРГ — ХИЗМАТ ДАР САФИ ҚУВВАҲОИ МУСАЛЛАҲ ГУЗОШТА МЕШАВАД! Чунин хитоб кардаанд ҳизбиёни шаҳри Норак ба ҷавонони синни даъватӣ
Имрӯз дар Москва ҷаласаи Машварати роҳбарони ниҳодҳои амниятӣ ва хадамоти иктишофии кишварҳои узви ИДМ доир мешавад
ВАО: Бар асари таркиш дар Кобул на кам аз 20 нафар ҳалок шудаанд
Дар Муъминобод бо мақсади пешгирии ҳолатҳои фавқулода машқи тактикӣ гузаронида шуд
Рустам Ҳайдаров: «Ташкилоти террористӣ-экстремистии ҲНИ дар ягон кишвари соҳибтамаддун таҳаммул нахоҳад шуд»
ДАЪВАТИ ТИРАМОҲӢ. Дар Вазорати мудофиа ҷаласа оид ба омодагӣ ба хизмати ҳатмии ҳарбӣ доир шуд
Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
«МО БОЯД ЭҲТИЁТ ШАВЕМ». Раиси Кумитаи давлатии амнияти миллии Тоҷикистон Саймумин Ятимов гуфт, ки ташкили муносибатҳо танҳо дар заминаи ҳуқуқӣ сабаби сулҳ, ваҳдат ва ҳамсоягии нек мегардад
