ДАЪВАТИ ТИРАМОҲӢ. 100 нафар ҷавонони шарафманди ноҳияи Ашт ба сафи Қувваҳои мусаллаҳи Тоҷикистон шомил шуданд
ДУШАНБЕ, 03.10.2022 /АМИТ «Ховар»/. Имрӯз, 3 октябр дар саҳни Муассисаи давлатии вилоятии «Театри мусиқӣ-драмавии ба номи Маҳмудҷон Воҳидов»-и ноҳияи Ашт маросими гусели наваскарон ба сафи Қувваҳои мусаллаҳи Ҷумҳурии Тоҷикистон дар вазъияти тантанавӣ баргузор гардид, хабар медиҳад АМИТ «Ховар» бо истинод ба Хадамоти матбуоти Раиси ноҳия.
Тибқи Фармони Президенти Ҷумҳурии Тоҷикистон аз 3 сентябри соли равон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995 -2004» 100 нафар ҷавонони меҳанпарасту шуҷоъ ба сафи Қувваҳои мусаллаҳи Тоҷикистон шомил гардиданд.
Дар маросими гусели наваскарони ихтиёрӣ Раиси ноҳия Шӯҳрат Муҳаммадзода, роҳбарони сохторҳои қудратӣ, роҳбарони корхонаву ташкилот, раисони ҷамоатҳои шаҳраку деҳоти ноҳия, сарбозон, падару модарони навдаъватшавандаҳо ширкат намуданд.
Роҳбари ноҳия баён дошт, ки хизмат дар сафи Артиши миллӣ барои ҷавонон мактаби ҳаёт аст. Ҷавонони мо дар давраи хизмати аскарӣ имкон доранд моҳияти мафҳумҳои Ватан, давлат ва миллати худро ба хубӣ дарк карда, сабақи далериву шуҷоат ва садоқат омӯзанд.
Модари даъватшаванда Мунира Сатторова аз Ҷамоати шаҳраки Шайдон иброз намуд, ки «имрӯз мо, модарон бояд бо амри дил ва сари баланд ба фарзандони худ баҳри ҳимояи марзу буми Ватан дуо диҳем, то онҳо қарзи фарзандии хешро содиқона иҷро намоянд».
Аз тарафи Раиси ноҳияи Ашт ба як гурӯҳ фаъолон ва падару модарон сипосномаву туҳфаҳои хотиравӣ тақдим гардиданд.
Дар хатми маросим барномаи хуби фарҳангӣ манзури иштирокдорон гардонида шуд.
АКС: Хадамоти матбуоти Раиси ноҳия
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
