Дар Тоҷикистон Форуми минтақавӣ оид ба рушди сайёҳӣ доир мешавад
ДУШАНБЕ, 11.11.2022 /АМИТ «Ховар»/. 12 ноябр дар шаҳри Душанбе Форуми минтақавӣ оид ба рушди сайёҳӣ баргузор мегардад, ки дар он коршиносон ва намояндагон аз Ҷумҳурии Тоҷикистон, Узбекистон ва Ҷумҳурии Исломии Эрон иштирок мекунанд, иттилоъ доданд ба АМИТ «Ховар» дар Кумитаи рушди сайёҳии назди Ҳукумати мамлакат.
Дар доираи сафар меҳмонон аз имконияти хизматрасонии осоишгоҳи «Шоҳамбарӣ», Мамнуъгоҳи таърихии Қалъаи «Ҳисор», Боғи интенсивии «Шар-Шара» ва ангурбоғи «Норак» дидан менамоянд. Инчунин аз мавзеъҳои таърихии шаҳри Душанбе- «Кохи Наврӯз» ва Осорхонаи миллии Тоҷикистон боздид ба амал меоранд.
10 ноябр дар меҳмонхонаи «Ҳаят Реҷенси»-и пойтахт дар доираи баргузории форуми мазкур ҷаласаи сеюми Комиссияи техникӣ оид ба рушди сайёҳии Тоҷикистон ва Эрон бо иштироки ҳайати Ҷумҳурии Исломии Эрон баргузор гардид.
Дар кори ҳамоиш намояндагони Кумитаи рушди сайёҳӣ, вазорату идораҳои ҷумҳурӣ, ҳайати расмии Вазорати мероси фарҳангии Эрон, ҳайати Вазорати сайёҳӣ ва мероси фарҳангии Ҷумҳурии Узбекистон, ширкатҳои бонуфузи сайёҳии хориҷӣ, ассотсиатсияву ширкатҳои сайёҳии ватанӣ иштирок доштанд.
Дар мулоқот имконоти тақвият бахшидани ҳамкорӣ дар бахшҳои сайёҳӣ ва муносибатҳои бисёрҷониба, ҷустуҷӯи роҳҳои нави тавсеаи робитаҳо ва ба сатҳи сифатан нав баровардани ҳамкорӣ дар соҳаи сайёҳӣ мавриди баррасӣ қарор дода шуданд.
Ҷумҳурии Исломии Эрон ҳавасмандии кишварашро ҷиҳати тақвияти ҳамкорӣ дар рушди самтҳои гуногуни сайёҳӣ, аз ҷумла сайёҳии таърихию фарҳангӣ ва экологию солимгардонӣ изҳор намуд.
АКС: Кумитаи рушди сайёҳии назди ҲҶТ
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
