Дар ДМТ «Маркази илмию таҳқиқотии публитсистика ба номи профессор Асадулло Саъдуллоев» таъсис ёфт
ДУШАНБЕ, 17.12.2022. /АМИТ «Ховар»/. Дар факултети журналистикаи Донишгоҳи миллии Тоҷикистон «Маркази илмию таҳқиқотии публитсистика ба номи профессор Асадулло Саъдуллоев» таъсис ёфт. Дар ин бора ба АМИТ «Ховар» декани факултети мазкур Бахтиёр Қутбиддинов хабар дод.
«Маркази мазкур бо мусоидати Вазорати маориф ва илми Ҷумҳурии Тоҷикистон, дастгирии раёсати Донишгоҳи миллӣ ва ҳадяи китобҳои зиёде аз ҷониби пайвандони профессори зиндаёд Асадулло Саъдуллоев таъсис ёфт»,- гуфт Бахтиёр Қутбиддинов.
Дар маросими ифтитоҳи он ректори донишгоҳ профессор Қобилҷон Хушвахтзода, академик Муҳаммадюсуф Имомзода, профессор Сироҷиддин Эмомалӣ ва дигар устодону кормандони факултет ҳузур доштанд.
Ректори донишгоҳ Қобилҷон Хушвахтзода ифтитоҳи чунин марказро дар шароити муборизаҳои иттилоотӣ талаботи замон арзёбӣ намуд.
Марказ бо навтарин технологияи аудиовизуалӣ ва дигар технологияи компютерӣ барои таҳқиқу тадрис имконоти зиёд фароҳам меорад.
Аз ин баъд имкон ҳаст, ки тавассути ин марказ семинару конфронсҳои онлайнӣ гузаронида шаванд.
Марказ дорои 40 — 50 ҷойи нишаст буда, зиёда аз 1200 адабиёти илмиву бадеии соҳаро фаро гирифтааст.
Аз ҷониби фарзандони А.Саъдуллоев зиёда аз 350 номгӯй адабиёти гуногун ва дар маҷмӯъ зиёда аз 1000 китоб дар ин марказ ҷамъ оварда шуд.
Аз ҷониби собиқ шогирдони факултет нодиртарин китобҳо харидорӣ ва ба ин марказ туҳфа карда шуданд.
Дар доираи ҳамкориву робитаҳо аз ин баъд имкон ҳаст, ки дарсҳои беҳтарин устодони факултетҳои журналистии Россияву дигар мамолики ИДМ ба роҳ гузошта шаванд.
Ёдовар мешавем, ки дар факултети журналистика 26 нафар номзадҳо ва 10 нафар докторони илм фаъолият доранд. Акнун имкон аст, ки дар ин поя маркази такмилу бозомӯзии устодони соҳа ба роҳ гузошта шавад.
Акс: ДМТ
«МИРЗО ТУРСУНЗОДА-ЧЕҲРАИ МОНДАГОРИ АДАБУ ФАРҲАНГИ ТОҶИК». Дар Донишгоҳи миллии Тоҷикистон ҳамоиши байналмилалӣ доир шуд
«ВАСФИ ҶАВОНӢ». Дар доираи баргузории моҳвораи ҷавонон озмун эълон гардид
Ба Донишкадаи давлатии муносибатҳои байналмилалии Москва дохил шудан мехоҳед? Ба Маркази барномаҳои байналмилалӣ муроҷиат намоед
БИСТСОЛАИ ОМӮЗИШ ВА РУШДИ ИЛМҲОИ ТАБИАТШИНОСӢ, ДАҚИҚ ВА РИЁЗӢ. Дар Душанбе маротибаи аввал озмуни «Ахтаракони ҳисобдон» баргузор гардид
Намояндагони Институти Гёте бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуданд
БАЛАНД БАРДОШТАНИ ҲИССИ ВАТАНДӮСТИИ НАВРАСОН. Хонандагони шаҳри Душанбе бо шароити хизмати ҳарбии сарбозон шинос шуданд
СОЛИ МАЪРИФАТИ ҲУҚУҚӢ. Дар Донишгоҳи давлатии Хоруғ конференсияи илмӣ баргузор шуд
Дар Донишгоҳи техникии Тоҷикистон масъалаи такмили конструксияҳои мошинҳои сохтмону роҳсозӣ баррасӣ гардид
«ШОҲНОМА»-И ФИРДАВСӢ ВА ТАШАККУЛИ ХУДШИНОСИИ МИЛЛӢ». Дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Дар Донишгоҳи давлатии омӯзгории Тоҷикистон Анҷумани байналмилалии омӯзгорони забони олмонӣ баргузор мегардад
ТАРБИЯИ ФАРЗАНД-МАСЪУЛИЯТИ ПАДАРУ МОДАР. Дар Донишгоҳи технологии Тоҷикистон дар ин мавзуъ вохӯрӣ доир шуд
Вобаста ба масъалаҳои мубрами филологияи Шарқ ва робитаҳои адабӣ конференсияи байналмилалӣ баргузор шуд
