Дар Роғун ҷаласаи Шӯрои ҳамоҳангсозии мақомоти ҳифзи ҳуқуқ баргузор гардид
РОҒУН, 19.12.2022 /АМИТ «Ховар»/. Дар Мақомоти иҷроияи ҳокимияти давлатии шаҳри Роғун ҷаласаи Шӯрои навбатии ҳамоҳангсозии мақомоти ҳифзи ҳуқуқ баргузор шуд, ки дар он ҷараёни иҷрои Қонун «Дар бораи танзим, анъана ва ҷашну маросим дар Ҷумҳурии Тоҷикистон», пешгирӣ ва мубориза бо терроризм ва экстремизм ва дигар масъалаҳои муҳим мавриди баррасӣ қарор гирифтанд. Дар ин бора сармутахассиси шуъбаи рушди иҷтимоӣ ва робита бо ҷомеа шаҳри Роғун Шоира Раҷабалиева ба хабарнигори минтақавии АМИТ «Ховар» Субҳониддини Маҳмуд иттилоъ дод.
Дар ҷамъомад зикр шуд, ки дар Мақомоти иҷроияи ҳокимияти давлатии шаҳри Роғун ва ҷамоатҳои шаҳраку деҳоти шаҳр ҷиҳати амалишавии қонуни мазкур 4 адад комиссияҳои доимӣ ва 21 адад комиссияҳои ҷамъиятӣ оид ба танзими анъана ва ҷашну маросим фаъолият менамоянд. Рафти санҷиш ва таҳлилҳо нишон дод, ки дар бахш комиссияҳои доимӣ оид ба танзими анъана ва ҷашну маросим китоби бақайдгирии маърака ва ҷашну маросимҳо таъсис дода шуда, баъди муроҷиати хаттӣ ва шифоҳӣ ному насаб ва суроғаи зисти шаҳрванд, инчунин намуди маъракаҳо дар китоб ба қайд гирифта мешаванд.
Ёрдамчии прокурори шаҳри Роғун Мурод Саидзода оид ба паёмадҳои ногувори гаравидани ҷавонон ба ҳар гуна гурӯҳҳои ифротию иртиҷоӣ, пешгирӣ ва мубориза бар зидди ташкилотҳои террористию экстремистӣ ибрози андеша намуд.
Прокурори шаҳри Роғун Хайриддин Қосимзода нисбат ба камбудиҳои ҷойдошта дар ин самт сухан намуда, вобаста ба масъалаҳои ҷаласаи Шӯро аз ҳама иштирокчиён мудирони бахшу шуъбаҳо даъват ба амал овард, ки барои таъмин, иҷро, пешгирии ҳуқуқвайронкуниҳо ва мубориза бо амалҳои номатлуб канорагирӣ накарда, фаъолияти хешро пурзӯр ва саҳми хешро дар пешрафти иқтисодиёту иҷтимоиёти мамлакат ва сулҳу суботи ҷовидонаи ватани маҳбубамон гузоранд.
АКС: Мақомоти иҷроияи ҳокимияти давлатии шаҳри Роғун
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
