«ХОНАНДАИ СОЛ — 2022». Иброҳим Одинаев аз гимназияи №74-и ноҳияи Фирдавсӣ ғолиби даври шаҳрии озмун гардид

Декабрь 31, 2022 12:27

ДУШАНБЕ, 31.12.2022. /АМИТ «Ховар»/. Хонандаи Гимназияи №74 ноҳияи Фирдавсӣ Иброҳим Одинаев  дар даври шаҳрии озмуни «Хонандаи сол-2022» сазовори ҷойи якум гардид. Дар ин бора ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.

Озмуни мазкур тибқи қарори дахлдори Раиси шаҳри Душанбе Рустами Эмомалӣ баргузор гардида, дар даври шаҳрии озмун ғолибони даври ноҳиявӣ хонандаи МТМУ №8 ноҳияи И.Сомонӣ Розиямоҳ Заидова, хонандаи МТМУ №94 ноҳияи Сино Фархунда Асророва, хонандаи МТМУ №16 ноҳияи Шоҳмансур Самира Ҳамроева, хонандаи Гимназияи №74 ноҳияи Фирдавсӣ Иброҳим Одинаев ва хонандаи Литсей барои хонандагони болаёқат дар шаҳри Душанбе  Абдураҳим Сангинов иштирок намуданд.

Тибқи шартҳои озмун дар қисмати аввали рўзи 19 декабр корҳои тестӣ ва қисмати дуюми рӯз корҳои хаттӣ аз фанҳои таълимӣ ва дар рўзи дуюм, яъне 20 декабр саволу ҷавоб, донистани компютер, маҳорати суханварӣ, намоиши корҳои эҷодӣ ва ҳисоботи эҷодии довталаб гузаронида шуд.

Ғолиби даври шаҳрии озмуни «Хонандаи сол-2022» дар чорабинии бахшида ба Рӯзи пойтахт бо мукофоти пулӣ ва ифтихорномаи мақомоти иҷрояи ҳокимияти давлатии шаҳри Душанбе қадрдонӣ мегардад.

АКС: Сарраёсати маорифи шаҳри Душанбе

Декабрь 31, 2022 12:27

Хабарҳои дигари ин бахш

Бо хатмкунандагони муассисаҳои таълимии шаҳри Гулистон вобаста ба интихоби дурусти касб вохӯрӣ доир гардид
Хатмкунандагони Донишгоҳи техникии Тоҷикистон дар Корхонаи коркарди нафти Данғара бо ҷойи кор таъмин мегарданд
Ҷавонони Донишгоҳи давлатии Хуҷанд пешниҳоди Рӯзи ҷаҳонии футболро ҷонибдорӣ менамоянд
Вазорати маориф ва илм платформаи рақамии «Системаи иттилоотии рушди касбии омӯзгор»-ро мавриди истифода қарор дод
Ҳамкории Кумитаи таҳсилоти ибтидоӣ ва миёнаи касбии Тоҷикистон ва Донишгоҳи давлатии Пензаи Русия густариш меёбад
Ансамбли «Наво»-и Донишгоҳи давлатии Кӯлоб бахшида ба Рӯзи Артиши миллӣ барномаи рангини консертиро пешниҳод намуд
«Муқаддастарин арзиши ҳаёт-дӯст доштан ва содиқона муҳофизат кардани марзу буми Ватан мебошад», — бардошт аз ҳамоиши идона дар Донишгоҳи миллии Тоҷикистон
РУШДИ МАОРИФ. Дар Тоҷикистон зинаи сеюми таҳсил ҳатмӣ мешавад
Мактабҳои шаҳри Душанбе ба баргузории Барномаи байналмилалии дастовардҳои таҳсилии хонандагон (PISA 2025) омода мешаванд
ҲУКУМАТИ ЭЛЕКТРОНӢ. Бо мақсади гузариш ба таҳсили рақамӣ дар Душанбе китобхонаи электронӣ ташкил гардид
«ҲОМИЁНИ ВАТАНЕМ». Дар Донишгоҳи байналмилалии забонҳои хориҷии Тоҷикистон бахшида ба Рӯзи Қувваҳои Мусаллаҳ ҳамоиш доир шуд
Сарраёсати маорифи шаҳри Душанбе хатмкунандагони равияи омӯзгории муассисаҳои олиро ба мактабҳо ҷалб менамояд