ТАҚВИМИ АМИТ «ХОВАР»: имрӯз 18 март, шанбе, 77-умин рӯзи соли 2023 аст

18 марти соли 2017 ба муносибати фарорасии ҷашни эҳёи табиат ва эътидоли баҳорӣ – Наврӯзи байналмилалӣ, Президенти Ҷумҳурии Тоҷикистон муҳтарам Эмомалӣ Раҳмон ба сарони давлатҳо ва ҳукуматҳои як қатор кишварҳои ҳавзаи фарҳангии Наврӯз  номаҳои табрикӣ ирсол намуданд.

***

18 марти соли 2015  Президенти Ҷумҳурии Тоҷикистон Эмомалӣ Раҳмон Қонуни Ҷумҳурии Тоҷикистон  «Дар бораи ҳуқуқи истеъмолкунандагон»-ро имзо намуданд.

 18 МАРТ:

Дар Русия – Рӯзи полиси андоз.

***

Дар Аруба — Рӯзи парчам ва суруди миллӣ.

***

Дар Беларус – Рӯзи қӯшунҳои дохилӣ.

 РӮЙДОДҲО:

18 марти соли 2011 дар шаҳри Москва таҳти унвони  «20 сол бо ҳам: таҷрибаи ҳамкорӣ ва дастовардҳо» Форуми байналмилалии иқтисодии давлатҳои узви Иттиҳоди Давлатҳои Мустақил баргузор гардид.

***

18 марти соли 2020  дар Кохи Борбад Президенти Ҷумҳурии Тоҷикистон муҳтарам Эмомалӣ Раҳмон дар остонаи ҷашни фархундаи Наврӯзи байналмилалӣ чун анъанаи накуи баҳорӣ бо кормандони соҳаҳои илму маориф ва аҳли эҷоди мамлакат мулоқот намуданд.

***

Дар ин рўзи соли 2010 Президенти Туркманистон Қурбонгулӣ Бердимуҳаммадов дар доираи   сафари давлатӣ ба   Тоҷикистон аз  Донишгоҳи давлатии тиббии ба номи Абуалӣ ибни Сино боздид ба амал оварда, бо омӯзгорону донишҷӯён  мулоқот намуданд.

ДАР ИН РӮЗ ТАВАЛЛУД ШУДААНД: 

Шамсиддин Орумбеков-соли 1956- Корманди шоистаи Тоҷикистон

***

Олим Бобоев-соли 1958- сароянда, Ҳунарпешаи шоистаи Тоҷикистон