Дар Донишгоҳи байналмилалии забонҳои хориҷии Тоҷикистон машқи махсуси тактикии мудофиаи гражданӣ доир гардид
ДУШАНБЕ, 10.06.2023. /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода машқи махсуси тактикии мудофиаи гражданӣ дар мавзуи «Амали ҳайати роҳбарикунанда, комиссияҳо, қувва ва воситаҳои неруҳои ғайриҳарбии мудофиаи граждании Донишгоҳи байналмилалии забонҳои хориҷии Тоҷикистон ҳангоми ба амал омадани заминларзаи 6-7 балла» дар сатҳи баланд баргузор гардид. Дар ин хусус АМИТ «Ховар» бо истинод ба маркази матбуоти Донишгоҳи мазкур хабар медиҳад.
Мақсад аз роҳандозии чорабинии мазкур омодагии донишҷӯён, устодон ва кормандон ҳангоми рух додани ҳолатҳои фавқулода мебошад.
Тазаккур дода шуд, ки маҳз фидокории мутахассисони касбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аст, ки ҷони ҳазорҳо нафарро аз ин ё он офатҳои табиӣ наҷот додаанд. Инчунин ин ниҳод шаҳрвандонро пайваста тавассути расонаҳои иттилоотӣ аз ҳолатҳои фавқулода огоҳ намуда, машваратҳои муфид медиҳад.
Бояд гуфт, ки намояндагони Кумитаи ҳолатҳои фавқулода ва мудофиаи гражданӣ дар робита ба ҳолатҳои бартараф намудани заминларза дар ин чорабинӣ дарси махсус гузарониданд.
Баъдан дар саҳни Донишгоҳ бо ширкати васеи ҳайати шахсӣ, омӯзгорон, кормандон ва донишҷӯён машқҳои махсуси тактикӣ гузаронида шуд.
Дар зимн ҷонибҳо — роҳбарияти Донишгоҳи байналмилалии забонҳои хориҷии Тоҷикистон ба номи Сотим Улуғзода ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба фаъолони чорабинӣ туҳфа ва ифтихорнома супориданд.
АКС: Маркази матбуоти Донишгоҳи байналмилалии забонҳои хориҷии Тоҷикистон
Дар Донишгоҳи техникии Тоҷикистон бо намояндагони донишгоҳҳои Русия омоданамоии мутахассисони соҳа баррасӣ шуд
«Тоҷикистон ва Чин: дар масири шарикии стратегӣ». Таҳти чунин унвон ҳамоиш доир шуд
Дар Душанбе ба шарафи Рӯзи илми тоҷик қадршиносии ғолибони озмунҳои ҷумҳуриявӣ доир гардид
СОЛИ МАЪРИФАТИ ҲУҚУҚӢ. Дар Донишгоҳи давлатии Бохтар конференсияи илмӣ-амалӣ гузаронида шуд
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон 1303 синфхона бунёд мешавад
Дар Донишгоҳи техникии Тоҷикистон масъалаи омода намудани мутахассисон дар самти технологияҳои иттилоотӣ баррасӣ шуд
ҲАФТАИ ИЛМ. Дар Донишгоҳи байналмилалии забонҳои хориҷии Тоҷикистон конференсияи илмӣ-амалӣ оғоз гардид
Хонандагони тоҷик дар озмуни байналмилалӣ соҳиби 4 медали тилло, 3 нуқра ва 4 биринҷӣ гардиданд
Илму маориф дар пешрафти иқтисодию иҷтимоии давлати ҳуқуқбунёд ҷойгоҳи хосса дорад
Донишҷӯёни тоҷик дар олимпиадаи информатика байни 70 муассисаи олии ҷаҳон сазовори ҷойҳои намоён гардиданд
Ҳамкории Донишкадаи кӯҳию металлургии Тоҷикистон бо муассисаҳои олии Узбекистон густариш меёбад
Дар Донишгоҳи давлатии Кӯлоб даври донишгоҳии Озмуни ҷумҳуриявии «Илм-фурӯғи маърифат» баргузор гардид
